मालवण नगरपरिषद स्थायी समिती व विषय समिती निवड
मालवण | प्रतिनिधी : मालवण नगराध्यक्षा ममता वराडकर स्थायी समितीच्या पदसिद्ध अध्यक्षपदी निवड झाली. तर उपनगराध्यक्ष दिपक पाटकर पाणीपुरवठा व जलनिस्सारण समिती सभापती (पदसिद्ध), नगरसेवक सहदेव बापर्डेकर प्रतिष्ठेच्या सार्वजनिक बांधकाम सभापती, नगरसेविका पूनम चव्हाण स्वच्छता व आरोग्य सभापती, नगरसेविका अन्वेषा आचरेकर महिला व बालकल्याण सभापती तर उपसभापती म्हणून नगरसेविका अश्विनी कांदळकर यांची निवड झाली आहे. सर्व निवड बिनविरोध झाल्या.
आमदार निलेश राणे, शिवसेना जिल्हाप्रमुख दत्ता सामंत यांच्या मार्गदर्शनात नावे निश्चित करण्यात आली. त्यानुसार ही निवड मालवण नगरपरिषद येथे झाली.यावेळी शिवसेना तालुकाप्रमुख मंदार लुडबे यांनी उपस्थित राहात सर्वांचे अभिनंदन करत पुढील वाटचालीस शुभेच्छा दिल्या. यावेळी शहर संघटक राजू बिडये, उपाध्यक्ष अभय कदम, सचिव महेश सारंग, गणेश परब, उमेश बिरमोळे, दिलीप बिरमोळे, व्यापारी संघ अध्यक्ष उमेश नेरुरकर, भाई मांजरेकर सूर्यकांत फणसेकर, तेजस लुडबे यांसह पदाधिकारी व नगरसेवक उपस्थित होते. सर्वांचे अभिनंदन केले.
अमित खोत, मालवण
