वराड पंचायत समिती मतदारसंघात महायुतीला उत्स्फूर्त प्रतिसाद
मालवण | प्रतिनिधी : वराड पंचायत समिती व पेंडूर जिल्हापरिषद मतदारसंघात महायुतीचा झंझावाती प्रचार सुरु आहे. संपुर्ण मतदार संघात जनतेचा मिळणारा प्रतिसाद पाहता वराड पंचायत समिती मतदारसंघात भाजपा महायुतीच्या माधुरी मसुरकर विजयी होतील. तसेच शिवसेना महायुतीचे जिल्हापरिषद उमेदवार संतोष साटविलकर यांनाही वराड विभागातून मोठे मताधिक्य मिळेल असा ठाम विश्वासही व्यक्त केला जात आहे.
सिंधुदुर्ग जिल्ह्यात भाजपा नेते खासदार नारायण राणे साहेब, भाजपा प्रदेशाध्यक्ष रविंद्र चव्हाण, पालकमंत्री नितेश राणे, आमदार निलेश राणे, आमदार दिपक केसरकर यांच्या नेतृत्वात आणि भाजपा जिल्हाध्यक्ष प्रभाकर सावंत आणि शिवसेना जिल्हाप्रमुख दत्ता सामंत यांच्या मार्गदर्शनात शिवसेना भाजपा महायुती पदाधिकारी कार्यकर्ते एकसंघपणे प्रचारात सहभागी आहेत. राणे साहेबांच्या नेतृत्वात मोठया विजयासाठी महायुती सज्ज झाली आहे. जनतेचा ही चांगला प्रतिसाद सर्व ठिकाणी मिळतं असून विकास महायुतीच्याच माध्यमातून होऊ शकतो असाच सुरु सर्वत्र असून भाजपा शिवसेना महायुतीच्या उमेदवारांना मोठया मताधिक्याने विजयी करून राणे साहेबांचे हात बळकट करूया. अश्या भावना व्यक्त होत आहेत.
