आडवली मालडी जिल्हापरिषद मतदार संघात महायुतीच्या प्रचाराला उत्स्फूर्त प्रतिसाद
मालवण : सर्वत्र प्रचाराचा धुरळा उडाला आहे. जिल्हा परिषद आणि पंचायत समिती निवडणुकीचा रणसंग्राम आता अंतिम टप्प्यात पोहोचला असून आडवली-मालडी मतदारसंघात शिवसेना भाजपा महायुतीच्या उमेदवार सौ. सोनाली सुनील घाडीगांवकर यांच्या 'घरोघर' प्रचाराला उत्स्फूर्त प्रतिसाद मिळत आहे.
आडवली-मालडी मतदारसंघ हा खासदार नारायण राणे यांचा अभेद्य बालेकिल्ला मानला जातो. या मतदार संघात गेली तीन दशके निर्विवाद नेतृत्व करणारे सोनाली घाडीगांवकर यांचे पती कट्टर राणे समर्थक सुनील घाडीगांवकर यांचे वर्चस्व आहे. अनेक विकासकामे त्यांनी मार्गी लावली आहेत. घाडीगावकर नेहमीच जनतेच्या सुखदुःखात सहभागी होत असतात. धावून जाणारे व्यक्तिमत्व अशी घाडीगांवकर कुटुंबाची ओळख आहे. जिल्हा परिषदेत निवडणूक
प्रचारादरम्यान सोनाली घाडीगांवकर या महायुती पदाधिकारी, कार्यकार्यकर्ते व् ग्रामस्थ यांच्या सोबतीने प्रचार करतं आहेत. केंद्रात आणि राज्यात एकाच विचारांचे सरकार असल्याने विकासाची गती वाढवणे सोपे होईल," त्यामुळे महायुतीच्या उमेदवार सोनाली घाडीगावकर या मोठया मताधिक्याने विजयी होतील असा विश्वास व्यक्त होत आहे.
खासदार नारायण राणे, पालकमंत्री नितेश राणे आणि आमदार निलेश राणे यांच्या नेतृत्वाखाली आणि शिवसेना जिल्हाप्रमुख दत्ता सामंत यांच्या मार्गदर्शनाखाली मतदार संघात विकासाची गंगा आली आहे. ही विकासाची गती कायम राखण्यासाठी सोनाली घाडीगांवकर यांना बहुमताने निवडून देण्याचा निर्धार कार्यकर्त्यांनी केला आहे. "आडवली-मालडीत महायुतीचा मोठा विजय होणार," असा ठाम विश्वास व्यक्त होत आहे.
