भाजपा जिल्हाध्यक्ष प्रभाकर सावंत यांनी व्यक्त केला विश्वास
महायुतीचे उमेदवार घनश्याम झाड, अक्षता गावडे यांचा तारकर्लीत उत्स्फूर्त प्रचार
मालवण | प्रतिनिधी : सिंधुदुर्ग जिल्ह्यात सर्वत्रच महायुतीच्या उमेदवारांना जनतेतून उत्स्फूर्त असा प्रतिसाद मिळतं आहे. सर्व ठिकाणी महायुतीची घट्ट वीण असून भाजपा नेते खासदार नारायण राणे, प्रदेशाध्यक्ष रविंद्र चव्हाण, पालकमंत्री नितेश राणे, आमदार निलेश राणे, शिवसेना जिल्हाप्रमुख दत्ता सामंत या सर्वांच्या नेतृत्वात महायुतीचे उमेदवार निर्विवाद विजय मिळवतील. महायुतीला शतप्रतिशत यश मिळेल. असा ठाम विश्वास भाजपा जिल्हाध्यक्ष प्रभाकर सावंत यांनी तारकर्ली येथे बोलताना व्यक्त केला.
वायरी भूतनाथ पंचायत समिती मतदार संघात भाजपा महायुतीचे उमेदवार घनश्याम झाड तसेच जिल्हापरिषद मतदार संघाच्या शिवसेना महायुतीच्या उमेदवार अक्षता गावडे यांच्या प्रचाराचा शुभारंभ तारकर्ली येथील श्री महापुरुष मंदिरात श्रीफळ ठेऊन करण्यात आला.
यावेळी भाजपा जिल्हाध्यक्ष प्रभाकर सावंत, माजी जिल्हा परिषद अध्यक्ष अशोक सावंत यासह महायुतीचे पदाधिकारी कार्यकर्ते व ग्रामस्थ मोठ्या संख्येने उपस्थित होते.
महायुतीच्या माध्यमातून घरोघर प्रचार केला जात आहे. महायुती सरकारच्या जनहिताच्या योजना, केलेल्या विकास कामांच्या जोरावर वायरी भूतनाथ जिल्हा परिषद मतदार सांघातून अक्षता गावडे, आणि पंचायत समिती उमेदवार घनश्याम झाड मोठ्या मताधिक्याने विजयी होतील असा विश्वास भाजपा जिल्हाध्यक्ष प्रभाकर सावंत यांनी यावेळी व्यक्त केला.
येथील पंचायत समितीचे उमेदवार घनश्याम झाड हे जनतेत राहून सेवाभावी वृत्तीने काम करणारे नेतृत्व आहेत. घनश्याम झाड यांना जनतेचा मिळणारा प्रतिसाद पाहता मोठया मताधिक्याने ते विजयी ठरतील. एकूणच कुडाळ मालवण तालुक्यातही सर्वच्या सर्व जागांवर महायुतीचे सर्व उमेदवार विजयी होतील. असा विश्वास प्रभाकर सावंत यांनी व्यक्त केला.
▪️अमित खोत, मालवण
