कर्मचाऱ्यांना ओळखपत्रे व कर्मचारी राज्य विमा कार्ड वितरण
शाखा प्रबंधक सुरेंद्र नाईक यांसह अशोक सावंत यांचेही कर्मचाऱ्यांना मार्गदर्शन
सिंधुदुर्ग : कर्मचारी राज्य विमा महामंडळ आणि रिषु किचू इंडस्ट्रीज बीड यांचे संयुक्त विद्यमाने माहिती व प्रशिक्षण कार्यक्रम शिवशक्ती हॉल कणकवली येथे आयोजित करण्यात आला होता.
महावितरण बाह्यस्त्रोत कर्मचारी यांचे करिता कर्मचारी राज्य विमा मार्फत कर्मचारी आणि कुटुंबाला देण्यात येणाऱ्या योजनांची माहिती व फायदे याचे विश्लेषण शाखा प्रबंधक श्री सुरेंद्र नाईक यांनी केले. या योजनांचा लाभ कसा घ्यावा याबाबतची माहिती श्री राहुल मांडवकर यांनी विस्तृत पणे मांडली. ठेकेदार श्री अरिफ तांबोळी यांनी कर्मचाऱ्यांना सुरक्षे विषयी प्रशिक्षण देवून जोखमीचे काम करताना स्वतःची सुरक्षा घेण्याविषयी भावनिक साद घालून प्रतिज्ञा घेतली.
यावेळी मार्गदर्शन श्री अशोक सावंत साहेब यांनी कर्मचाऱ्यांना एकसंघ राहण्यासंबंधी सूचना केल्या व मोलाचे मार्गदर्शन केले.
या कार्यक्रमामध्ये कर्मचाऱ्यांना ओळखपत्रे, तसेच कर्मचारी राज्य विमा कार्ड वाटप करण्यात आले. सदर कार्यक्रमास कर्मचारी संघटनेमार्फत झोन अध्यक्ष श्री आनंद लाड, जिल्हा अध्यक्ष श्री संदीप बांदेकर, श्री संजय गोवेकर, श्री महेश राउळ, श्री दिनेश तांबे, श्री राजू दळवी, उपस्थित होते. कार्यक्रमाचे नियोजन व्यवस्थापक श्री समाधान चव्हाण यांनी केले. आभार श्री आनंद लाड यांनी मानले.
