शिवसेना जिल्हाप्रमुख दत्ता सामंत यांच्या प्रमुख उपस्थितीत विकासकामांची भूमिपूजने
चौके - प्रतिनिधी :- आमदार निलेश राणेसाहेब यांच्या आमदार निधीतून चौके गावातील विविध रस्त्यांसाठी भरीव निधी मंजूर झाला आहे. या रस्त्यांच्या खडीकरण डांबरीकरण कामाची भूमिपूजन तसेच खडीकरण डांबरीकरण काम झालेल्या रस्त्यांचा शुभारंभ शिवसेना जिल्हाप्रमुख दत्ता सामंत यांच्या प्रमुख उपस्थितीत शनिवारी सकाळी करण्यात आले.
यावेळी शिवसेना मालवण तालुकाप्रमुख राजा गावडे, माजी जी प सदस्य संतोष साटविलकर, चौके सरपंच पी के चौकेकर, माजी सरपंच सुरेश चौककर, मधुकर चौककर, जेष्ठ ग्रामस्थ सदाशिव गावडे गुरुजी, ग्रा प सदस्य शिवदास मांजरेकर, दुलाजी चौकेकर, यासह ग्रामस्थ रमाकांत गावडे, पापा मांडलकर, प्रभाकर गावडे, मंगेश पात्रे, मयूर गावडे, बाबा गावडे, विक्रम गावडे, सूर्यकांत गावडे, श्यामा मेस्त्री, प्रवीण गावडे, बंड्या गावडे, संदीप गावडे, बाळा गावडे, उदय गावडे, दीनानाथ गावडे, शिवाजी गावडे यांच्यासह मोठ्या प्रमाणावर ग्रामस्थ उपस्थित होते.
शिवसेना तालुकाप्रमुख राजन गावडे यांच्या मागणी पाठपुराव्यातून चौके गावातील आमदार निलेश राणे साहेब यांच्या स्थानिक आमदार निधीतून पूर्ण झालेले व प्राप्त झालेले चौके कसाल मुख्य रस्ता ते थळकरवाडी रस्ता खडीकरण डांबरीकरण शुभारंभ, चौके कसाल मुख्य रस्ता ते चौके हायस्कूल रस्ता खडीकरण डांबरीकरण शुभारंभ, तसेच चौके कसाल मुख्य रस्ता ते देवतळीपर्यंत जाणारा रस्ता खडीकरण डांबरीकरण करणे, चौके कुळकरवाडी रस्ता खडीकरण डांबरीकरण करणे, चौके माडखोलवाडी रस्ता खडीकरण डांबरीकरण करणे, चौके बावखोलवाडी ते गणेश विसर्जन तळी रस्ता खडी करून डांबरीकरण करणे या कामांसाठी प्रत्येकी पाच लाख रुपये निधी उपलब्ध करून देण्यात आला आहे. शिवसेना जिल्हाप्रमुख दत्ता सामंत यांचे सहकार्य यात लाभले. यावेळी उपस्थित ग्रामस्थांनी आमदार निलेश राणे साहेब व जिल्हाप्रमुख दत्ता सामंत यांचे आभार मानले.
