आमदार निलेश राणे यांच्या मार्गदर्शनाखाली जिल्हाप्रमुख दत्ता सामंत यांनी दिले नियुक्तीपत्र
मालवण : शिवसेना मालवण उपतालुकाप्रमुख पदी तारकर्ली येथील जयवंत सावंत यांची नियुक्ती करण्यात आली आहे. आमदार निलेश राणे यांच्या मार्गदर्शनाखाली ही नियुक्ती करण्यात आली. शिवसेना जिल्हाप्रमुख दत्ता सामंत यांनी जयवंत सावंत यांना नियुक्तीपत्र देत पुढील वाटचालीस शुभेच्छा दिल्या.
दिलेल्या नियुक्तीपत्रात म्हटले आहे, वंदनीय हिंदुहृदयसम्राट शिवसेनाप्रमुख बाळासाहेब ठाकरे यांच्या आशीर्वादाने तसेच धर्मवीर आनंद दिघे साहेब यांच्या प्रेरणेने व शिवसेनेचे मुख्य नेते एकनाथ शिंदे यांच्या आदेशानुसार शिवसेना पक्षाच्या सिंधुदुर्ग जिल्ह्याच्या मालवण उपतालुकाप्रमुख मालवण पदी आपली नियुक्ती करण्यात येत आहे. सदर नियुक्तीचा कालावधी एका वर्षाचा असेल.
वंदनीय हिंदुहृदयसम्राट शिवसेनाप्रमुख बाळासाहेब ठाकरे यांचा हिंदुत्वाचा विचार आणि धर्मवीर आनंद दिघे साहेब यांची शिकवण याचा आपण सक्रियपणे प्रचार आणि प्रसार कराल तसेच शिवसेना पक्ष वाढीसाठी आपण सर्वांना सोबत घेऊन कार्य कराल असा विश्वास आहे. असे नियुक्तीपत्र देण्यात आले आहे.
▪️ अमित खोत, मालवण
