मालवण | प्रतिनिधी : गोळवण कुमामे डिकवल ग्रामपंचायतचे सरपंच सुभाष दत्ताराम लाड यांनी ग्रामपंचायतीमध्ये कामकाज करताना पंचायतीच्या कामकाजाबाबतीत गैरवर्तणूक, हयगय व मुद्दाम केलेला हलगर्जीपणा करुन अवैध नागरीकत्व व इतर प्रशासकीय लाभ मिळवून देण्याचा गंभीर स्वरुपाचा अपराध केल्याचे सिध्द होत आहे. असे विभागीय आयुक्त, कोकण विभाग यांनी स्पष्ट करताना महाराष्ट्र ग्रामपंचायत अधिनियम १९५८ चे कलम ३९ (१) अन्वये सुभाष दत्ताराम लाड, विद्यमान सरपंच, ग्रामपंचायत गोळवण कुमामे डिकवल ता. मालवण, जि. सिंधुदुर्ग यांना सरपंच तसेच सदस्य पदावरुन काढून टाकण्यात येत आहे. असे आदेश दिले आहेत. याबाबत आदेशपत्र मालवण पंचायत समितीस प्राप्त झाले असून ते गोळवण कुमामे डिकवल ग्रामपंचायतीला पाठवण्यात आले आहे. अशी माहिती देण्यात आली आहे.
गोळवण कुमामे डिकवल ग्रामपंचायत सरपंच सुभाष लाड सरपंच तसेच सदस्य पदावरुन अपात्र
