नगरसेवक दिपक पाटकर, नगरसेविका नीना मुंबरकर यांचे पोलीस प्रशासनास निवेदन
मालवण | प्रतिनिधी : मालवण शहरात पर्यटक मोठया संख्येने दाखल झाले आहेत. पर्यटकांच्या वाहनांची रहदारी वाढल्यामुळे मालवण शहराचे प्रवेशद्वार असलेल्या देऊळवाडा मार्गांवर मोठया प्रमाणात वाहतूक कोंडी होत आहे. ही वाहतूक कोंडी टाळण्यासाठी व अपघात टाळण्यासाठी देऊळवाडा महापुरुष मंदिर तसेच नारायण मंदिर येथे 10 जानेवारी पर्यत वाहतूक नियंत्रणासाठी वाहतूक पोलिस तसेच होमगार्डची व्यवस्था व्हावी. अशी मागणी नगरसेवक दिपक पाटकर व नगरसेविका नीना मुंबरकर यांच्या वतीने मालवण पोलीस प्रशासनास करण्यात आली आहे.
दिलेल्या निवेदनात म्हटले आहे, मालवण शहर देऊळवाडा महापुरुष पार ऑक्ट्रॉय नाका ते सागरी महामार्ग देऊळवाडा पुलापर्यंत मोठया प्रमाणात वाहतूक कोंडी होत आहे. रस्ता अरुंद आहे व दोन्ही बाजूला दुकाने व घरे आहेत, पर्यटकांच्या गाड्यांची रहदारी वाढल्यामुळे सातत्याने होणारी वाहतूक कोंडी टाळण्यासाठी व अपघात टाळण्यासाठी महापुरुष मंदिर येथे आणि देऊळवाडा नारायण मंदिर येथे 10 जानेवारी पर्यत वाहतूक नियंत्रणासाठी वाहतूक पोलिस तसेच होमगार्डची व्यवस्था व्हावी. जेणेकरून वहातुक अडथळा टळेल व अपघात प्रमाणही कमी होईल. असे निवेदन नगरसेवक दिपक पाटकर व नगरसेविका नीना मुंबरकर यांच्या वतीने मालवण पोलीस प्रशासनास देण्यात आले आहे.
▪️अमित खोत, मालवण
