नगराध्यक्षा उमेदवार ममता वराडकर यांसह सर्व शिवसेना नगरसेवकांना बहुमतांनी विजयी करा : शिवसेना जिल्हाप्रमुख दत्ता सामंत यांचे मालवण वासियांना आवाहन
मालवण | प्रतिनिधी : आमदार निलेश राणे हे विकासाचे व्हिजन असणारे नेतृत्व आहेत. अभिमान वाटावे असे कार्य त्यांच्याकडून सुरु आहे. मोठया प्रमाणात विकासनिधी ते मतदारसंघात खेचून आणत आहेत. पुढील पाच वर्षातील मालवण शहाराच्या विकासाचे व्हिजन त्यांच्याकडे आहे. त्यांच्या दुरदृष्टी नेतृत्वात मालवण शहर सर्वोत्तम असे आदर्श शहर बनेल. असा विश्वास शिवसेना जिल्हाप्रमुख दत्ता सामंत यांनी व्यक्त केला.
दरम्यान, आमदार निलेश राणे यांच्या नेतृत्वात विकासाचे व्हिजन ठेवून शिवसेना उमेदवार मालवण नगरपरिषद निवडणूक लढवत आहेत. सर्वाना हेवा वाटेल असे मालवण शहर बनवण्यासाठी आमदार निलेश राणे यांना साथ द्या. असे आवाहन शिवसेना जिल्हाप्रमुख दत्ता सामंत यांनी केले.
शिवसेनेचे सर्व उमेदवार हे श्री देव रामेश्वर, नारायण चरणी पारदर्शक कारभाराची शपथ घेऊन निवडणूक रिंगणात आहेत. अश्या प्रकारे निवडणुकी पूर्वी शपथ घेणारे हे राज्यातील पहिलेच उदाहरणं ठरले.
जनतेचाही शिवसेना उमेदवारांना चांगला प्रतिसाद मिळतं आहे.
शिवसेना नगराध्यक्षा उमेदवार सौ. ममता वराडकर या स्वच्छ प्रतिमा, संवेदनशील नेतृत्व आहेत. सामाजिक आणि राजकीय कार्यात त्या नेहमीच लोकांशी जोडून, त्यांच्या अडचणी समजून आणि त्यांच्या सोबत उभं राहून काम करत आल्या आहेत. आदराने बोलणं, प्रत्येकाला मान–सन्मान देणं आणि प्रामाणिकपणे काम करणं ही ममता वराडकर यांची जन माणसातील ओळख आहे. शांतपणे, परंतु प्रभावीपणे काम करण्याची त्यांची पद्धत लोकांच्या मनात विश्वास निर्माण करत आहे. त्यामुळे त्यांचा विजयाचा ठाम विश्वास व्यक्त केला जात आहे. सर्वच प्रभागात उत्स्फूर्त असा प्रतिसाद पाहता नगराध्यक्षा उमेदवार ममता वराडकर तसेच शिवसेना नगरसेवक उमेदवार वसंत गांवकर, देवयानी शिर्सेकर, महेश सारंग, पूजा मांजरेकर, दिपक पाटकर, नीना मुंबरकर, सिद्धार्थ जाधव, पुनम चव्हण, विलास मुणगेकर, नंदिता वरवडेकर, सहदेव बापार्डेकर, अश्विनी कांदळकर, नरेश हुले, मेघा गांवकर, राजन परुळेकर, शर्वरी पाटकर, महेश कोयंडे, प्रमिला मोरजे, सीताराम लुडबे, भाग्यश्री मयेकर हे नगरसेवक उमेदवार बहुमतांनी विजयी होतील असा दावा केला जात आहे.
