भाजपा महिला शहराध्यक्ष नगरसेविका उमेदवार सौ. अन्वेषा अजित आचरेकर यांचे प्रतिपादन
मालवण : गावाचा, शहराचा, राज्याचा किंवा देशाचा सर्वांगीण विकास हवा असेल, तर सर्वात महत्त्वाची गोष्ट म्हणजे एकसंघ नेतृत्व आणि एक विचाराचं शासन. कारण केंद्र, राज्य आणि स्थानिक स्वराज्य संस्था या तिन्ही पातळ्यांवर एकाच विचाराचे सरकार असेल, तर निर्णयप्रक्रिया वेगवान होते, निधी सहज उपलब्ध होतो आणि कोणत्याही योजनेला राजकीय अडथळे निर्माण होत नाहीत. असे भाजप महिला पदाधिकारी आणि नगरपालिका उमेदवार सौ. अन्वेषा अजित आचरेकर म्हणाल्या .
उत्स्फूर्त असा जनतेचा प्रतिसाद त्यांना मिळतं असून अन्वेषा आचरेकर या आमच्या हक्काच्या नगरसेविका म्हणून विजयी होतील असा विश्वास व्यक्त केला जात आहे.
केंद्रात आदरणीय मोदीजींच्या नेतृत्वातील भाजपाचे स्थिर, निर्णायक आणि एकहाती सरकार असताना
देशाचा कायापालट घडून आला. स्थिर आणि मजबूत नेतृत्वामुळे कोणतीही तांत्रिक किंवा राजकीय अडचण न येता विकासाचं चक्र गतिमान पद्धतीने फिरू लागलं. पायाभूत सुविधांचे विक्रम, डिजिटल क्रांती, राष्ट्रीय महामार्ग, प्रधानमंत्री आवास योजना, जल जीवन मिशन अशा असंख्य योजना सहज राबवता आल्या. विकसित भारताचं स्वप्न साकार होतंय. असेही सौ. आचरेकर म्हणाल्या.
प्रभागाला शहरात नंबर एक बनविणार
मुख्यमंत्री देवेंद्र फडणवीस, खासदार नारायण राणे साहेब भाजपा प्रदेशाध्यक्ष रवींद्र चव्हाण साहेब, पालकमंत्री नितेश राणे साहेब यांच्या माध्यमातून मालवण शहराचा गतिमान विकास होईल. शहराच्या विकासाबरोबरच माझ्या प्रभागाच्या विकासला मला प्राधान्य द्यावयाचे आहे. माझ्या प्रभागाला मालवण शहरात नंबर एक बनविण्यासाठी
माझे नेहमीच प्रयत्न राहणार असल्याचे सौ. अन्वेषा अजित आचरेकर म्हणाल्या.
▪️▪️▪️▪️▪️▪️▪️▪️
