नगराध्यक्ष उमेदवार शिल्पा खोत यांसह प्रभाग २ मधून नगरसेवक उमेदवार अमृता फाटक व ललित चव्हाण यांच्या विजयाचा व्यक्त करण्यात आला विश्वास
मालवण : मालवण शहरात सर्वच प्रभागात भाजपचा उत्स्फूर्त प्रचार सुरू आहे. मालवण नगरपरिषद प्रभाग दोनमध्ये भाजपा उमेदवार सौं. अमृता फाटक, ललित चव्हाण यांनी नगराध्यक्ष उमेदवार शिल्पा यतीन खोत यांच्यासह भाजप पदाधिकारी व नागरिकांच्या उपस्थितीत प्रभागातील देवातांचे आशीर्वाद घेत घरोघर प्रचारफेरी काढली. यावेळी भाजपचा विजयाचा विश्वास व्यक्त करताना नगराध्यक्ष उमेदवार शिल्पा खोत यांसह प्रभाग २ मधून नगरसेवक उमेदवार अमृता फाटक व ललित चव्हाण यांचा विजय बहुमताने होईल, असाही विश्वास व्यक्त करण्यात आला. यावेळी भाजपा जिल्हा उपाध्यक्ष अशोक सावंत, बाबा परब, राजू आंबेरकर, बबलू राऊत, हरी चव्हाण, तारका चव्हाण, अनिकेत फाटक, निनाद बादेकर यासह भाजप पदाधिकारी व नागरिक मोठ्या संख्येने उपस्थित होते.
