संशयितातर्फे ॲड. स्वरुप नारायण पई व ॲड. अंबरीष गावडे यांनी काम पाहिले
मालवण : रात्रीच्या वेळेस चोरीच्या उद्देशाने धारदार शस्त्रासहित फिरताना ताब्यात घेतलेल्या संशयीत शहाजी देवा चव्हाण वय 30 वर्षे राह. सारसा जिल्ह्या लातूर व संजय नवनाथ पवार वय 35 वर्ष राह. येरमाळा ता. कळंब जि. धाराशीव सध्या राह. नेरूर चव्हाटा ता. कुडाळ यांची मे. प्रथमवर्ग न्यायदंडाधिकारी साहेब मालवण यांनी रक्कम रु. 15,000/- च्या सशर्त जामीनावर मुक्तता केली. संशयीतातर्फे ॲड. स्वरुप नारायण पई व ॲड. अंबरीष गावडे यांनी काम पाहिले.
याकामी मालवण पोलिस गस्त करत असताना दि. 18/11/2025 रोजी संशयीत गुरामवाड येथे रात्रीचे वेळी संशयितरित्या फिरताना दिसल्याने पोलीसांनी त्यांना ताब्यात घेऊन तपासणी केली असता त्यांचे ताब्यात धारदार शस्त्रास्त्र आढळून आले. शस्त्र बाळगल्याबाबत कोणतेही स्पष्टीकरण देऊ न शकल्यामुळे व वागणुक संशयास्पद वाटल्याने फिर्यादी पोलीसांनी संशयीतांविरूद्ध सूर्यास्त ते सूर्योदयाच्या कालावधीत चोरीच्या उद्देशाने धारदार शस्त्र बाळगून संशयितरित्या फिरत असल्याबद्दल दि. 18/11/2025 रोजी मालवण पोलिस ठाण्यात तक्रार दाखल केली. त्यानुसार मालवण पोलिस ठाण्यात संशयितांच्या विरुद्ध भारतीय शस्त्र अधिनियम कलम (4), (25) व मुंबई पोलीस अधिनियम कलम 122 व 124 अन्वये गुन्हा दाखल करण्यात आला.
मालवण पोलिसांनी प्राथमिक तपासकाम करून संशयितास दि. 19/11/2025 रोजी मे. प्रथमवर्ग न्यायदंडाधिकारी मालवण यांचे न्यायालयात हजर करण्यात आल्यानंतर अधिक तपासासाठी मे. न्यायालयाने संशयितांची दि. 20/11/2025 रोजीपर्यंत पोलीस कोठडी मंजूर केली.
पोलीस कोठडीची मुदत संपल्यानंतर पोलीसांनी संशयिताना पुन्हा मे. न्यायालयात हजर केले असता मे. न्यायालयाने संशयीतां न्यायालयीन कोठडी मंजूर केली.
त्यानंतर संशयीतांतर्फे जामीनअर्ज दाखल करण्यात आला. जामीन अर्जाचे सुनावणीअंती मे. न्यायालयाने संशयितांची रक्कम रु. 15,000/- च्या सशर्त जामीनावर मुक्तता केली.
