रिक्षा आणि स्विफ्ट कारचे मोठे नुकसान
सुदैवाने कोणालाही मोठी दुखापत नाही
मालवण | प्रतिनिधी : मालवण तारकर्ली रस्त्यावर वायरी भूतनाथ मधील साई माऊली हॉटेल नजिक कुत्रा आडवा आल्यामुळे झालेल्या अपघातात रिक्षा आणि स्विफ्ट कारचे मोठ्या प्रमाणात नुकसान झाले. सुदैवाने या अपघातात कुणालाही मोठी दुखापत झाली नाही.
रविवारी सायंकाळी पाच वाजण्याच्या सुमारास तारकर्ली येथील रविकिरण भगवान मांजरेकर हे आपली रिक्षा घेऊन मालवण हून तारकर्लीकडे जात होते. यावेळी वायरी येथील. साई माऊली हॉटेल जवळ अचानक रिक्षा समोर कुत्रा आल्याने मोठा अपघात घडला. अपघातात रिक्षा दोनवेळा पलटी होऊन समोरून येणाऱ्या पुणे येथील पर्यटकांच्या स्विफ्ट कारवर आढळली. या अपघातात रिक्षा सह स्विफ्ट कारचेही मोठे नुकसान झाले. रविकिरण मांजरेकर हे होतकरू रिक्षा चालक असून रिक्षाचे नुकसान झाले असून त्यांनाही दुखापत झाली आहे.
