दांडी दांडेश्वर मंदिरात श्रीफळ ठेऊन प्रचाराचा शुभारंभ
अन्वेषा आचरेकर, सन्मेष परब यांसह पदाधिकारी, नागरिकांची उत्स्फूर्त उपस्थिती
मालवण | प्रतिनिधी : भाजपच्या नगराध्यक्ष पदाच्या उमेदवार सौ. शिल्पा यतीन खोत यांचा सर्व प्रभागत झंझावती प्रचार सुरु आहे. गुरुवारी दांडी येथील दांडेश्वर मंदिरात श्रीफळ ठेऊन प्रभागात घरोघर प्रचार करण्यात येत आहे. भाजपा सरकार कडून करण्यात येणारी विकासकामे, योजना, लोकांपर्यंत पोहोचवल्या जात आहेत. यावेळी जनतेचा उत्स्फूर्त प्रतिसाद मिळत असल्याचे सौ. खोत यांनी सांगितले.
दांडी येथील दांडेश्वराला भाजपा उमेदवार मोठ्या मताधिक्याने विजयी होऊदे असे साकडे घालण्यात आले. यावेळी प्रभाग क्रमांक 9 ब च्या नगरसेविका उमेदवार अन्वेषा आचरेकर, नगरसेवक पदाचे उमेदवार सन्मेष परब यांसह यतीन खोत, मंदार केणी, दाजी सावजी, तोडणकर, अजित आचरेकर यासह मोठ्या संख्येने कार्यकर्ते, नागरिक उपास्थित होते.
यावेळी शिल्पा खोत म्हणाल्या, पालकमंत्री नितेश राणे यांच्याकडे विकासाची दूरदृष्टी आहे. दांडी किनारपट्टीवर पर्यटन व्यवसायाच्या अनेक समस्या त्या मार्गी लावणार आहेत. दांडी किनाऱ्यावर अनेक योजना आणून येथील विकास करण्यात येत आहे. मच्छिमारांचा अधिक विकास व्हावा यासाठी कृषी दर्जा देण्यात आला. अनेक विकासाच्या योजना राबवण्यात आल्या. भविष्यात राबवण्यात येणार आहेत. दांडी किनारपट्टीचा विकास व्हावा याचे ही व्हिजन त्यांच्याकडे आहे. बंधारा कम रस्ता करण्यात येणार आहे. याचा फायदा मच्छिमारांसह पर्यटन व्यवसायिकांना होणार आहे. स्थानिक महिलांना इथे रोजगारा मिळावा यासाठी त्यांनी खाऊगल्लीची संकल्पना मांडली आहे. त्यामुळे येथील महिलांना इथेच रोजगार मिळणार आहे. प्रदेशाध्यक्ष रवींद्र चव्हाण, खासदार नारायण राणे, पालकमंत्री नितेश राणे यांच्या माध्यमातून दांडीसह शहराचा विकास करण्यात येणार असल्याचे शिल्पा खोत यांनी सांगितले.
