शिवसेनेचे सर्व उमेदवार उद्या उमेदवारी अर्ज दाखल करणार

शिवसेना जिल्हाप्रमुख दत्ता सामंत यांची माहिती

आमदार निलेश राणे यांच्या नेतृत्वात जनतेच्या आशीर्वादाने विजय निश्चित होणार : व्यक्त केला विश्वास

मालवण : आमदार निलेश राणे यांच्या नेतृत्वाखाली मालवण नगरपरिषद निवडणुकीसाठी शिवसेना सज्ज झाली आहे. शिवसेना पक्षाच्या नगराध्यक्ष पदासह सर्व नगरसेवक उमेदवारांचे उमेदवारी अर्ज रविवार 16 नोव्हेंबर रोजी सकाळी 10 वा. दाखल करण्यात येणार आहेत.

यावेळी शिवसैनिक, आजी-माजी पदाधिकारी, आजी-माजी लोकप्रतिनिधी (बेसिक, महीला, युवा, युवती, कामगार, ओबीसी सेल) या सर्वांनी शिवसेना प्रचार कार्यालय, मालवण येथे सकाळी 10 वा. उपस्थित राहावे. असे आवाहन करण्यात आले आहे.

जनतेच्या आशीर्वादाने शिवसेनेचे सर्व उमेदवार विजयी होणारच. आमदार निलेश राणे यांच्या नेतृत्वात मालवण नगरपरिषद माध्यमातून जनतेच्या सेवेसाठी आमचे नगराध्यक्ष व सर्व नगरसेवक कार्यरत राहतील. मोठया प्रमाणात विकासनिधी उपलब्ध होईल. असे दत्ता सामंत यांनी सांगितले.