मालवण नगरपरिषद निवडणूक २०२५
मालवण : मालवण नगरपरिषद निवडणुकीसाठी उमेदवारी अर्ज दाखल करण्याची प्रक्रिया आता अंतिम टप्प्यात पोहोचली आहे. अर्ज भरण्यासाठी केवळ दोन दिवस शिल्लक राहिले आहेत. शनिवारी उमेदवारी अर्ज दाखल करण्याच्या सहाव्या दिवशी एकूण ६ उमेदवारी अर्ज दाखल झाले आहेत. सर्व उमेदवारी अर्ज नगरसेवक पदासाठी दाखल झाले आहेत.
सहाव्या दिवशी दाखल झालेल्या अर्जांमध्ये भारतीय जनता पक्षाचे (भाजप) २, शिवसेना (उद्धव बाळासाहेब ठाकरे) पक्षाचे २, कॉँग्रेस पक्षाचा १ आणि अपक्ष १ उमेदवारी अर्ज आहे. मालवण नगरपालिका निवडणुकीसाठी प्रभाग क्र. १ अ या जागेसाठी भाजपा तर्फे मंदार केणी, प्रभाग क्र. २ अ या जागेसाठी अपक्ष उमेदवार म्हणून सिद्देश मांजरेकर, प्रभाग क्र. ४ अ या जागेसाठी काँग्रेस कडून गणेश पाडगांवकर तर ४ ब मधून उबाठा या पक्षाच्या वृंदा गवंडी, प्रभाग क्र. ५ अ या जागेसाठी शिवसेना उबाठा कडून महेंद्र म्हाडगूत, प्रभाग क्र. ६ अ या जागेसाठी भाजपा तर्फे चंद्रशेखर कुशे यांनी आपले उमेदवारी अर्ज आज निवडणूक निर्णय अधिकारी यांच्या जवळ सादर केले.
