नवरात्रोत्सवाच्या औचित्य
मालवण : एसएसपीएम रुग्णालय पडवे आणि श्री. भवानी समता मित्रमंडळ नांदोस चव्हाणवाडी यांच्या संयुक्त विद्यमाने मोफत आरोग्य तपासणी शिबिराचे आयोजन नांदोस चव्हाणवाडी करण्यात आले होते. या शिबिरास ग्रामस्थांचा उत्स्फूर्त प्रतिसाद मिळाला.
यावेळी एसएसपीएम रुग्णालयाचे डॉ. प्रभु, संदीप परब, नेत्र तपासणी तज्ञ ऋतुजा सावंत व रंजिता कांबळे उपस्थित होत्या. या सामाजिक उपक्रमाला मालवण पंचायत समितीचे गटविकास अधिकारी श्री. श्याम चव्हाण यांनी भेट दिली व मंडळाने राबविलेल्या स्तुत्य उपक्रमाचे कौतुक केले. सदर मंडळातर्फे मागील ३४ वर्षे नवरात्रोत्सवा निमित्त असेच धार्मिक, सांस्कृतिक सामाजिक, स्पर्धात्मक उपक्रम घेतले जातात. सदर कार्यक्रम यशस्वी करण्यासाठी भवानी समता मित्रमंडळाचे अध्यक्ष वसंत चव्हाण, सचिव सूर्यकांत चव्हाण, खजिनदार अमित चव्हाण, सल्लागार प्रसाद चव्हाण, कार्यकर्ते पवन, प्रदीप, राजेश, विक्रम, रुपेश, राजन यांचे मोलाचे सहकार्य लाभले.
