आमदार निलेश राणे यांच्या उपस्थितीत शिवसेना जिल्हाप्रमुख दत्ता सामंत यांनी दिले नियुक्तीपत्र
मालवण : मालवण तालुक्यातील पेंडूर गावचे सुपुत्र दिलीप उर्फ दीपा सावंत यांची शिवसेना सिंधुदुर्ग उपजिल्हाप्रमुखपदी नियुक्ती करण्यात आली आहे. आमदार निलेश राणे यांच्या प्रमुख उपस्थितीत शिवसेना जिल्हाप्रमुख दत्ता सामंत यांनी दीपा सावंत यांना नियुक्तीपत्र दिले. आमदार निलेश राणे यांनी दीपा सावंत यांचे अभिनंदन करत पुढील वाटचालीस शुभेच्छा दिल्या.
यावेळी जिल्हाप्रमुख दत्ता सामंत, जिल्हाप्रमुख संजू परब, सरचिटणीस दादा साईल, शहरप्रमुख दीपक पाटकर, जिप माजी सभापती संतोष साठविलकर, वरची गुरामवाडी सरपंच शेखर पेणकर, पेंडूर सरपंच नेहा परब, राजन माणगावकर, आतिक शेख, शेखर फोंडेकर, विनीत भोजने, शाम आवळेगावकर, अमित सावंत, सागर माळवदे, नंदकुमार परब, अण्णा कुबल, अनिल ढोलम, दयानंद चव्हाण, बिपीन परब, अशोक परब, भाई परब, विलास बांदेकर, मंथन कुबल व अन्य कार्यकर्ते उपस्थित होते. यावेळी शिवसेनेची यशस्वी घोडदौड सिंधुदुर्ग जिल्ह्यात अशाच प्रकारे सुरू राहील आम्ही सर्वजण आ. निलेश राणे यांच्या नेतृत्वात पक्षवाढीसाठी जोमाने काम करू असा विश्वास दीपा सावंत यांनी व्यक्त केला. 1990 पासून राणे साहेबांच्या नेतृत्वात निष्ठावंतपणे समाजकार्य करणारे दीपा सावंत हे दत्ता सामंत यांचे विश्वासू म्हणून ओळखले जातात. परिसरात पक्ष संघटना मजबूत करतं असताना दीपा सावंत यांचे योगदान महत्वपूर्ण असणार आहे.
▪️ अमित खोत | मालवण
