६ ऑक्टोबर ते ४ नोव्हेंबर : जिल्हास्तरीय व तालुका स्तरीय भजन स्पर्धा
मंगेश नलावडे | स्काय न्युज टुडे : आंबेरी गावचे ग्रामदैवत श्री देव जैन सकलेश्वर मंदिरात ६ ऑक्टोबर ते ४ नोव्हेंबर या कालावधीत जागर भजन महोत्सव आयोजित करण्यात आला आहे. या निमित्त जिल्हास्तरीय भजन स्पर्धेचे आणि तालुका स्तरीय भजन स्पर्धा आयोजन करण्यात आले आहे.
आंबेरी येथील श्री देव जैन सकलेश्वर मंदिरात कोजागिरी ते त्रिपुरारी पौर्णिमा या महिनाभरात भजन जागर महोत्सव आयोजीत करण्यात येतो. यावर्षी ७ वे वर्ष असून नावीन्य पूर्ण उपक्रम करण्याचे मंडळाच्या वतीने ठरविण्यात आले आहे. ६ ऑक्टोबर ते १२ ऑक्टोबर श्री देव जैन सकलेश्वर मंदिरात दरोरोज रात्री ८ वाजता स्थानिक तसेच मालवण तालुक्यातील नामांकित भजन मंडळाची संगीत भजने होणार आहेत.
तर मंदिरात जिल्हा स्तरीय भजन स्पर्धा १३ ऑक्टोबर ते १७ ऑक्टोबर पर्यंत आयोजन करण्यात आली आहे. या स्पर्धेतील प्रथम क्रमांकास १०,०००/- व चषक, द्वितीय क्रमांकास ७,०००/-व चषक, तृतीय क्रमांकास ५,०००/-व चषक, वैयक्तिक पारितोषिके उत्कृष्ठ गायक, हार्मोनियम, पखवाज, आकर्षक बक्षिसे ठेवण्यात आली आहेत.
दि १८ ते १९ ऑक्टोबर दोन दिवस रात्री ८ वाजता स्थानिक तसेच तालुक्यातील संगीत भजने होणार आहेत. तर २० ऑक्टोबर ते २४ ऑक्टोबर या कालावधीत मालवण तालुका स्तरीय भजन स्पर्धा २०२५ होणार आहे. या साठी प्रथम पारितोषिक ७,०००/- चषक, द्वितीय ५,०००/- व चषक, तृतीय ३०००/- व चषक अशी पारितोषिके ठेवण्यात आली आहेत.वैयक्तिक पारितोषिके उत्कृष्ठ गायक, हार्मोनियम, पखवाज, आकर्षक बक्षिसे ठेवण्यात आली आहेत.
स्पर्धा भजन सादरीकरण कालावधी ४५ मिनिटं चा असणार आहे, भजन मंडळात कमीत कमी १० ते १२ सदस्य असणे आवश्यक. ढोलकी किंवा इलेक्ट्रिक साहित्याचा वापर करता येणार नाही. भजन संत वाङमय वर आधारित असावीत. स्पर्धकांनी स्पर्धेच्या ठिकाणी अर्धा तास आधी यायचे आहे. नाव नोंदणी साठी आणि अधिक माहिती साठी रवींद्र परब 9405497509, अमित डीचोलकर 9421672583 यांच्याशी संपर्क साधावा. तर २५ ऑक्टोबर ते ४ नोव्हेंबर या कालावधीत स्थानिक तसेच मालवण तालुका, आणि जिल्ह्यातील नामवंत भजनी मंडळाची भजने या जागर भजन महोत्सवात सादर होणार आहेत. या कार्यक्रमाचा लाभ घ्यावा असे आवाहन आंबेरी ग्रामस्थ मंडळाच्या वतीने करण्यात येत आहे.
