मालवण ग्रामीण रुग्णालय येथे शेकडो महिलांनी घेतला आरोग्य तपासणी शिबीराचा लाभ
मालवण | प्रतिनिधी : स्वस्थ नारी सशक्त परिवार अभियान देशभर राबवले जात आहे. या अंतर्गत सार्वजनिक आरोग्य विभाग महाराष्ट्र शासनाच्या वतीने ग्रामीण रुग्णालय मालवण येथे महिलांसाठी मोफत आरोग्य तपासणी शिबीर संपन्न झाले. शेकडो महिलांनी या आरोग्य तपासणी शिबिराचा लाभ घेतला.
महिलांची आभा कार्ड, आयुष्मान कार्ड ही यावेळी काढण्यात आली. ५५ महिलांनी अवयव दान प्रतिज्ञा केली. तसेच यावेळी रक्तदान शिबिरातही महिलांनी रक्तदान केले.
शिवसेना मालवण शहर प्रमुख दीपक पाटकर यांच्या हस्ते या शिबिराचे उद्घाटन करण्यात आले. यावेळी वैद्यकीय अधीक्षक डॉक्टर संजय पोळ, वैद्यकीय अधिकारी डॉक्टर बालाजी पाटील, डॉ. विवेक रायकर यांसह वैद्यकीय पथक अधिकारी कर्मचारी उपस्थित होते तसेच शिवसेना पदाधिकारी शहर संघटक राजू बिडये, उपशहर प्रमुख राजू परुळेकर, उप तालुकाप्रमुख अरुण तोडणकर,
उपतालुकाप्रमुख बाळू नाटेकर, शहर कोषाध्यक्ष आबा शिरसेकर, शाखा प्रमुख विलास मुणगेकर, शाखा प्रमुख शिवाजी केळूस्कर, जयमाला मयेकर, भाई मांजरेकर संदीप मालवणकर, कमलेश कोचरेकर यांसह अन्य उपस्थित होते.
