विविध धार्मिक वं सांस्कृतिक कार्यक्रमांचे आयोजन
विरण | सुरेश घाडीगांवकर : दरवर्षी प्रमाणे यंदाही नवदुर्गा कला क्रीडा सांस्कृतिक मंडळ विरण आयोजित भव्य नवरात्रौत्सव धुमधडाक्यात सुरू झाला असून २२ सप्टेंबर ते २ ऑक्टोबर या कालावधीत विविध धार्मिक सांस्कृतिक कार्यक्रमांचे आयोजन करण्यात आले आहे.
विरण बाजारपेठेतील हनुमान मंदिर येथे हा नवरात्र उत्सव गेली अनेक वर्षे नवदुर्गा कला क्रीडा, सांस्कृतिक मंडळ व रिक्षा युनियन व अनिल भाई कांदळकर, रामदास भाई पांजरी, विलास पांजरी, दत्ताराम आंबेरकर यांच्या सह स्थानिक ग्रामस्थ यांच्या सहकार्याने सुरु आहे. या नवरात्रोत्सवासाठी भव्य मंडप, डेकोरेशन, रंगमंच, आकर्षक विद्युत रोषणाई, सुमधुर साउंड सिस्टीम व आई नवदुर्गा देवीची मन प्रसन्न करणारी विलोभनीय मूर्ती हे या उत्सवाचे खास वैशिष्ट्य आहे. तरी या संपूर्ण नवरात्र उत्सवाचा सर्वांनी लाभ घ्यावा असे आवाहन आयोजकांनी केले आहे.
दरदिवशी दुर्गा देवीची पूजा, आरती प्रसाद, सायंकाळी ७ वाजता ग्रामस्थांची सुस्वर भजने, त्या नंतर गरबा, दांडीया तर भाविक आणि रसिकांच्या मनोरंजनासाठी २२ सप्टेंबर रोजी रात्री होम मिनिस्टर कार्यक्रम आयोजित करण्यात आला आहे. प्रमुख पाहुणे राकेश नेमळेकर.
२४ सप्टेंबर रोजी मोरेश्वर दशावतार नाट्य मंडळाचा नाट्यप्रयोग, २७ सप्टेंबर रोजी रात्री ९ वाजता वेशभूषा स्पर्धा, २८ सप्टेंबर रोजी रात्री ९ वाजता सम ई नृत्य, २९ सप्टेंबर रोजी ओमकार डान्स अकॅडमी सावंत वाडी यांचा कलाविष्कार, १ ऑक्टोबर रोजी दुपारी १ वाजता देवीचा महाप्रसाद, रात्री ८ वाजता रेकॉर्ड डान्स, रात्री ९ वाजता १०० बक्षिसांच्या लकी ड्रॉ ची सोडत व २ ऑक्टोबर २५ रोजी सायंकाळी ५ वाजता देवीची भव्य विसर्जन मिरवणूक काढण्यात येणार आहे. तरी या संपूर्ण नवरात्र उत्सवाचा सर्वांनी लाभ घ्यावा असे आवाहन आयोजकांच्या वतीने करण्यात आले आहे.
