विविध धार्मिक, सांस्कृतिक कार्यक्रमाचे आयोजन
मालवण | : मालवण तालुक्यातील आंबेरी गोसावी वाडी येथील श्री भवानी मित्र मंडळ डीचोलकर कुटुंबियांची कुलस्वामिनी भवानी माता मंदिरात नवरात्रौ उत्सवा निमित्त २२ सप्टेंबर ते २ ऑक्टोबर या कालावधीत विविध धार्मिक सांस्कृतिक कार्यक्रमाचे आयोजन करण्यात आले आहे.
आंबेरी गोसावी वाडी येथील श्री भवानी माता मंदिरात नवरात्रीच्या पहिल्या दिवशी सकाळी देवाच्या देव्हाऱ्या जवळ घटस्थापना केली जाते. यात माती मध्ये रुजवना पेरले जाते, आणि नऊ दिवस फुलांच्या माळा अर्पण केल्या जातात. देवीची नित्य पूजापाठ, आरती, नैवेद्य दरोरोज केला जातो. यात डीचोलकर कुटुंबातील देवीचा उपासक नित्य पूजा पाठ करून नऊ दिवस उपवास धरतो मनो भावे कुलदेवतेची सेवा करतो. गाभाऱ्यात असलेल्या आई भवानी मातेच्या मूर्तीला नऊ दिवस नऊ रंगांच्या साड्या परिधान केल्या जातात. यावेळी आई भवानी देवीच रूप नयन रम्य आणि सुखकारक असत.
पूर्वीच्या काळी डीचोलकर कुटुंबीय एकत्र जमून नित्य पूजा पाठ, घटस्थापना, माळा घालणे, महाप्रसाद, हळदी कुंकू, असा नऊ दिवस छोटेखानी नवरात्र उत्सव करत असत. कालांतराने नव्या चालीरीती व नवीन कास धरत येथील डीचोलकर कुटुंबीय भवानी मित्र मंडळ यांनी २००१ पासून नवरात्री उत्सवात दरोरोज विविध स्पर्धा, संगीत भजन, जागर, गरबा, दांडिया असे कार्यक्रम करण्याचे नियोजन केले. त्यामुळे परिसरातील भाविकांची याठिकाणी गर्दी वाढू लागली. मंडळाचे अध्यक्ष विनायक पांडुरंग डीचोलकर, हेमंत डीचोलकर, अमित डीचोलकर, महेश डीचोलकर, मनोज डीचोलकर यांसह अन्य कुटुंबीयांची उपस्थिती असते.
आपल्या गावातील लहान मुलां सहित मोठ्यांना व्यासपीठ मिळाव त्यांना प्रोत्साहन मिळाव आणि गावात एकजूट निर्माण व्हावी यासाठी आगळ्या वेगळ्या कार्यक्रमाचे दरवर्षी आयोजन करण्यात येते. त्याला गावातील लोकांचा ही चांगला प्रतिसाद मिळाला आहे. भवानी देवी मंदिरात वार्षिक नवरात्री, जागर, त्रैवार्षिक गोंधळ, सत्यनारायण पूजा, असे वार्षिक धार्मिक कार्यक्रम होतात. गावात सुमारे २० ते २५ डीचोलकर कुटुंबीयांची घरे असून हा नवरात्री उत्सव मोठ्या श्रद्धेने भक्ती भावाने पार पाडतात. भक्तांच्या नवसाला पावणारी, हाकेला धावणारी आई भवानी व तिच्या सोबत असलेला श्री महापुरुष देव जागृत आहे. आपल्या लेकरांच्या सुख दुःखा त नेहमी धावून येतो याची प्रचिती साऱ्या भक्तांना आहे म्हणून हे जागृत असे शक्तीस्थान डीचोलकर कुटुंबियांचे कुलदैवत आहे.
