'स्वस्थ नारी सशक्त परिवार' अभियान…
मालवण | प्रतिनिधी : स्वस्थ नारी सशक्त परिवार अभियान देशभर राबवले जात आहे. या अंतर्गत सार्वजनिक आरोग्य विभाग महाराष्ट्र शासनाच्या वतीने सोमवार २२ सप्टेंबर रोजी ग्रामीण रुग्णालय मालवण येथे महिलांसाठी मोफत आरोग्य तपासणी शिबीर आयोजित करण्यात आले आहे.
तज्ञ डॉक्टर टीम यावेळी रुग्णांच्या तपसणीसाठी उपलब्ध असणार आहे. यात डॉ. प्रियांका म्हसकर (स्त्री रोग तज्ञ), डॉ. सुशांता कुळकर्णी (बाल रोग तज्ञ), डॉ. निधी (नेत्र तज्ञ), संतोष सावंत (नाक, कान, घसा तज्ञ), डॉ. शाम राणे (त्वचा रोग तज्ञ), डॉ. समृद्धी कंबले (दंत शल्य चिकित्सक), डॉ. संदीप खुडे (मानसोपचार तज्ञ), डॉ. कपिल दानी (अस्ति रोग तज्ञ), डॉ. दुर्गेश पांडे (जनरल सर्जन) आदी तज्ञ डॉक्टर टीम उपस्थित असणार आहे. रक्तदाब, मधुमेह, नेत्र, दंत, रोग तपासणी, गरोदर महिलांची प्रसूतीपूर्व तपासणी, लसीकरण सेवा व रक्त व हिमोग्लोबिन तपासणी, क्षयरोग तपासणी, विशेष तज्ज्ञांचा सल्ला व मार्गदर्शन होणार आहे. तसेच माता-बाल सुरक्षा कार्ड, प्रधानमंत्री मातृत्व वंदना योजना नोंदणी, आयुष्मान वय वंदना कार्ड नोंदणी केली जाणार आहे. तरी सर्व महिलांनी सोबत रेशनकार्ड, आधारकार्ड व आधारलिंक मोबाईल नंबर घेऊन येणे आवश्यक आहे.
या शिबिराचा जास्तीत जास्त महिलांनी लाभ घ्यावा, असे आवाहन वैद्यकीय अधिकारी डॉ. बालाजी पाटील, वैद्यकीय अधिक्षक डॉ. संजय पोळ यांनी केले आहे.
