मालवण | : कृष्णराव सीताराम देसाई शिक्षण मंडळातर्फे चालवल्या जाणाऱ्या विविध शैक्षणिक संस्थांच्या शालेय समित्यांच्या अध्यक्षपदी आणि महाविद्यालय विकास समितीच्या अध्यक्षपदी नवीन नियुक्त्यांची घोषणा करण्यात आली आहे. या नियुक्त्या मंडळाचे अध्यक्ष डॉ. किरण ठाकूर यांनी जाहीर केल्या आहेत. या सर्व पदांवरची नियुक्ती पुढील तीन वर्षांसाठी असणार आहे.
अँड. समीर गवाणकर यांची स. का. पाटील सिंधुदुर्ग कला, वाणिज्य आणि देशभक्त शंकरराव गवाणकर विज्ञान महाविद्यालयाच्या महाविद्यालय विकास समितीचे अध्यक्ष म्हणून त्यांची नियुक्ती झाली आहे. विजय केनवडेकर यांची रामभाऊ परुळेकर कनिष्ठ महाविद्यालयाच्या शालेय समितीचे अध्यक्षपद सोपवण्यात आले आहे. चंद्रशेखर ऊर्फ गणेश कुशे यांची लक्ष्मीबाई टोपीवाला कन्याशाळेच्या शाळा समितीचे अध्यक्ष म्हणून निवड करण्यात आली आहे. महादेव पाटकर यांची सुनितादेवी टोपीवाला अध्यापिका विद्यालयाच्या शाळा समितीच्या अध्यक्षपदी नियुक्ती झाली आहे. शैलेश पावसकर यांची सु. टो. अध्यापक विद्यालय संलग्न प्राथमिक कन्याशाळा (सराव पाठशाळा) यांच्या शाळा समितीचे अध्यक्ष म्हणून निवड करण्यात आली आहे. या सर्व नियुक्त्यामुळे संस्थेच्या प्रशासकीय आणि शैक्षणिक कामांना अधिक गती मिळेल, अशी अपेक्षा व्यक्त केली जात आहे
