शिवसेना शिवउद्योग संघटनेची कणकवली येथे बैठक
जिल्हाप्रमुख विश्वास गावकर यांसह पदाधिकाऱ्यांची उपस्थिती
कणकवली : शिवसेना शिवउद्योग संघटनेची बैठक नुकतीच कणकवली येथे शिवउद्योग संघटना सिंधुदुर्ग जिल्हाप्रमुख विश्वास गावकर यांच्या प्रमुख उपस्थितीत पार पडली. सदर बैठकीत विविध विषयावर विषयावर चर्चा करण्यात आली. यात प्रामुख्याने शिव उद्योग संघटनेच्या सिंधुदुर्ग जिल्ह्यातील वेगवेगळ्या तालुका पदांवर नियुक्ती करणे. दिवाळी फराळ संदर्भात छोटे व्यावसायिक, गट यांना बाजारपेठ मिळवून देणे. कोकणी मेव्याला बाजारपेठ मिळवून देणे. प्रत्येक तालुक्यात उद्योग स्टॉल उभारणे. वास्तुलक्ष्मी प्रोजेक्ट सिंधुदुर्ग जिल्ह्यात राबविणे यांसह विविध विषयांवर सकारात्मक चर्चा झाली.
या बैठकीत महिला भगिनींची लक्षणीय उपस्थिती होती. यावेळी सरिता राऊत (महिला उपजिल्हाप्रमुख शिव उद्योग संघटना), राजन तोंडवळकर (शिवउद्योग संघटना उप तालुकाप्रमुख), दामोदर सावंत (कणकवली तालुकाप्रमुख) अरुण तोडणकर (शिवसेना तालुकाप्रमुख), पूजा तोडणकर (महिला उप तालुकाप्रमुख शिवसेना), दीक्षा सावंत, आशा वळप्पी, पूजा बांगकर, संजना शेलटे, प्रांजल तळेकर, ज्योती पालेकर, प्रियंका तांबे, स्मिता गुरव, शितल गुरव यांसह महिला मोठ्या संख्येने उपस्थित होत्या.
