चौके | : मालवण तालुक्यातील चौके ग्रामपंचायत येथे सरपंच पी के चौकेकर यांच्या अध्यक्षतेखाली संपन्न झालेल्या ग्रामसभेमध्ये चौके गावच्या महात्मा गांधी तंटामुक्ती समिती अध्यक्षपदी श्री नितीन गणपत गावडे यांची पुन्हा एकदा सर्वानुमते निवड करण्यात आली.
नितीन गावडे हे चौके गावात गेली अनेक वर्षें पत्रकार म्हणून कार्यरत आहेत. त्याचप्रमाणे गावात शैक्षणिक- सामाजिक- धार्मिक कार्यात सदैव सहभागी असतात. २०२४-२५ या तंटामुक्ती समिती अध्यक्ष कार्यकाळात गावात निर्माण झालेले अनेक तंटे सामंजसातून मिटवण्यात समितीच्या माध्यमातून यशस्वी झाले होते. त्यांच्या या निवडीबद्दल गावात सर्व स्तरातून त्यांच्यावर अभिनंदन येत आहे. शांत संयमी स्वभाव, सामाजिक कार्याचा अनुभव आणि लोकसंपर्काचा ग्रामपंचायत,गावासाठी आणि गावातील तंटे मिटवण्यासाठी सदैव तत्पर असतात त्यांची निवड योग्य असल्याचे मत आपले विचार मांडताना चौके सरपंच पी के चौकेकर यांनी मांडले.
यावेळी चौके ग्रामपंचायत सरपंच पी.के.चौकेकर,ग्रामअधिकारी श्री.प्रकाश सरमळकर ,पोलीस पाटील रोहनचौककर, ग्रामपंचायत सदस्य दुलाजी चौकेकर, सौ. विशाखा चौकेकर, सौ.अक्षता गायकवाड, जयश्री कदम, ग्रामस्थ बिजेंद्र गावडे, अविनाश गावडे, महेश सावंत, अनंत चौककर, दत्तात्रय गावडे, सुहासिनी परब, सुप्रिया गावडे, नमिता गावडे, सुविधा गावडे यांच्यासह ग्रामस्थ ग्रामपंचायत कर्मचारी उपस्थित होते. यावेळी उपस्थितानी नूतन तंटामुक्ती अध्यक्ष नितीन गावडे यांचे अभिनंदन केले.
