जिल्हास्तरावर करणार मालवण तालुक्याचे प्रतिनिधित्व
मालवण | प्रतिनिधी : क्रीडा व युवा संचलनालय, पुणे आणि जिल्हा क्रीडा परिषद व जिल्हा क्रीडा अधिकारी कार्यालय सिंधुदुर्ग यांच्या वतीने रेकोबा हायस्कूल, मालवण येथे आयोजित 19 वर्षाखालील मुलांच्या तालुकास्तरीय खो-खो स्पर्धेत स. का. पाटील संलग्न रामभाऊ परुळेकर कनिष्ठ महाविद्यालय मुलांच्या संघाने वराडकर हायस्कूल, कट्टा संघाला पराभूत करून विजेतेपद मिळवले. विजेता संघ जिल्हास्तरावर मालवण तालुक्याचे प्रतिनिधित्व करणार आहे.
विजेत्या संघात संघात चिन्मय मेस्त, सिद्धेश करंगुटकर, देवेश गावकर, यश कोळंबकर, शुभम लुडबे, हरिश्चंद्र देऊलकर, मयुर बागवे, सुरज आळवे, तुषार आढाव, ओम मिठबावकर, सुयश कदम, जतीन करंगुटकर, राज लाड यांचा समावेश होता. यशस्वी विद्यार्थ्यांचे महाविद्यालयाचे प्राचार्य डॉ. शिवराम ठाकूर, कनिष्ठ व वरीष्ठ महाविद्यालय शिक्षक व शिक्षकेतर कर्मचारी, कृ.सी.देसाई शिक्षण मंडळाचे कार्याध्यक्ष श्री. साईनाथ चव्हाण, सचिव श्री. चंद्रशेखर कुशे व सर्व पदाधिकारी यांनी अभिनंदन करत पुढील वाटचालीस शुभेच्छा दिल्या. सदर संघास सागर सावंत यांचे क्रीडा मार्गदर्शन लाभले.
▪️अमित खोत | मालवण
