आमदार निलेश राणे यांची प्रमुख उपस्थिती ; सह्याद्री अतिथिगृह, मुंबई येथे पार पडली बैठक
मुंबई : सह्याद्री अतिथिगृह, मुंबई येथे महसूलमंत्री चंद्रशेखर बावनकुळे यांच्या अध्यक्षतेखाली कोकण विभागाची आढावा बैठक संपन्न झाली. झालेल्या या कोकण विभागीय बैठकीस कुडाळ मालवणचे आमदार निलेश राणे हे उपस्थित होते. या बैठकीत कोकण विभागाशी संबंधित महसूल, जमीन, नोंदणी तसेच स्थानिक स्वराज्य संस्थांशी निगडीत विविध महत्त्वपूर्ण विषयांवर सखोल चर्चा करण्यात आली. या बैठकीस विधानपरिषदेचे व विधानसभेतील आमदार, कोकण विभागाचे विभागीय आयुक्त, नोंदणी महानिरीक्षक, जमाबंदी आयुक्त, कोकणातील सर्व जिल्हाधिकारी तसेच महसूल विभागातील वरिष्ठ अधिकारी उपस्थित होते.
