सिंधुदुर्ग :- सिंधुदुर्ग नगरी नव नगर विकास प्राधिकरण क्षेत्रात लावण्यात आलेल्या विविध होर्डिंग्ज, पोस्टर्स, फलक, बोर्ड, आठ दिवसात हटविण्याच्या सूचना जिल्हाधिकारी यांनी दिली असल्याची माहिती अपर जिल्हाधिकारी शुभांगी साठे यांनी दिली.
सिंधुदुर्ग नगरी नव नगर विकास प्राधिकरण क्षेत्रात राजकीय, सामाजिक, वैयक्तिक शुभेच्छा अशा प्रकारचे होर्डिंग्ज, पोस्टर्स, फलक बोर्ड विना परवानगी लावण्यात आलेले सर्व प्रकारचे होर्डिंग्ज,पोस्टर्स,फलक बोर्ड,आठ दिवसांत काढून टाकण्यात बाबत सूचना देण्यात आलेल्या होत्या. मात्र काही फलक अजून हि दिसून येत आहेत. फलक तातडीने हटविण्या बाबत जिल्हाधिकारी यांनी सूचना दिल्या असल्याची माहिती मुख्य कार्यकारी अधिकारी,अपर जिल्हाधिकारी शुभांगी साठे यांनी दिली आहे.
दरम्यान, आठ दिवसात होर्डिंग्ज, पोस्टर, फलक, बोर्ड, जाहिराती संबंधितांकडून न काढल्यास कोणत्याही प्रकारची सूचना न देता होर्डिंग्ज, पोस्टर्स, फलक, बोर्ड या कार्यालया कडून काढून टाकण्यात येतील व त्यासाठी येणारा खर्च महाराष्ट्र जमीन महसूल अधिनियम १९६६ मधील तरतुदी नुसार आपणा कडून वसूल करण्यात येईल. तसेच भविष्यात प्राधिकरण क्षेत्रात होर्डिंग्ज, पोस्टर, फलक बोर्ड लावायचे झाल्यास मुख्य कार्यकारी अधिकारी व सचिव सिंधुदुर्ग नगरी नव नगर विकास प्राधिकरण तथा अपर जिल्हाधिकारी यांच्या कार्यालयाची पूर्व परवानगी घेणे आवश्यक राहणार आहे.
