मालवण | प्रतिनिधी : मालवण तालुक्यातील कट्टा वराड येथील रिक्षा चालक रावजी (काका) देसाई (वय ४३) यांचे मंगळवारी गोवा बांबोळी येथे पहाटे निधन झाले. त्यांच्या पश्चात पत्नी, दोन मुलगे, भाऊ, बहिणी, भावजय, पुतणे भाचे असा मोठा परिवार आहे.
कट्टा वराड येथील कट्टर राणे समर्थक अशी त्यांची ओळख होती. काका देसाई हे वराड विविध कार्यकारी सोसायटीचे संचालक होते. वराड गावातील ग्रामस्थांमध्ये आपुलकीचे स्थान असणारे व्यक्तिमत्व होते. रिक्षाचालक असलेले काका देसाई क्रिकेट प्रेमी देखील होते. सामाजिक कार्यात नेहमीच त्यांचा सहभाग असायचा. त्यांच्या निधनाने वराड गावात सर्वत्र हळहळ व्यक्त होत असून शोककळा पसरली आहे.
