भजन महोत्सवाची आज सायंकाळी होणार सांगता
दिवसभर धार्मिक कार्यक्रम, दुपारी महाप्रसाद
शानू वालावलकर | मालवण : श्रावणधारा महोत्सव अंतर्गत घुमडे येथील श्रीदेवी घुमडाई मंदिर येथे विविध धार्मिक तसेच भजन व दशावतार कार्यक्रमांचे आयोजन करण्यात आले. भजन महर्षी कै. बुवा पंढरीनाथ घाडीगांववकर यांच्या स्मरणार्थ भजन महोत्सव 2025 चे आयोजन करण्यात आले. उद्योजक तथा शिवसेना जिल्हाप्रमुख दत्ता सामंत यांच्या वतीने हा कार्यक्रम पुरस्कृत करण्यात आला. तर घुमडे ग्रामस्थ मंडळांच्या वतीने या सर्व कार्यक्रमांचे उत्स्फूर्त आयोजन करण्यात आले आहे. गेले महिनाभर मोठ्या उत्साहात विविध कार्यक्रम संपन्न होत आहेत.
आज मंगळवार 19 ऑगस्ट रोजी श्रावणधारा महोत्सवाची सांगता होणार आहे. सकाळी नऊ वाजल्यापासून मंदिरात विविध धार्मिक कार्यक्रमाचे आयोजन करण्यात आले आहे. तर दुपारी एक वाजता महाप्रसाद होणार आहे. सायंकाळी सात वाजता श्री. वडचीदेवी प्रासादिक भजन मंडळ लिंगडाळ देवगड बुवा संदीप लोके यांचे भजन होणार आहे. तर रात्री 8:30 वाजता श्री गंभिरेश्वर प्रासादिक भजन मंडळ घाटकोपर मुंबई बुवा लक्ष्मण गुरव यांचे भजन होणार आहे. यावेळी उपस्थित राहावे व कार्यक्रमांचा लाभ घ्यावा. असे आवाहन घुमडे ग्रामस्थ मंडळ घुमडे यांच्या वतीने करण्यात आले आहे.
🛑 LIVE | भजन महोत्सव 2025 | बुवा संदीप लोके, बुवा लक्ष्मण गुरव
