नारळी पौर्णिमा उत्सव निमित्त मालवण बंदर जेटीवर होणारे सर्व नियोजित कार्यक्रम होणार
पोलीस प्रशासन व पर्यटन महासंघ पदाधिकारी यांच्या बैठकीत निर्णय
मालवण | प्रतिनिधी : ट्रॅफिक समस्या लक्षात घेता नारळी पौर्णिमा उत्सवानिमित्त मालवण बाजारपेठ मार्गांवर होणारी रिक्षा रॅली होणार नाही. नारळी पौर्णिमा उत्सव निमित्त बंदर जेटीवर होणारे सर्व नियोजित कार्यक्रम त्याच उत्साहात होणार. असा निर्णय पोलीस प्रशासन व पर्यटन महासंघ पदाधिकारी यांच्या बैठकीत घेण्यात आला.
पोलीस निरीक्षक मारुती जगताप यांच्या सोबत भाजपा मालवण मंडळ अध्यक्ष तथा पर्यटन व्यावसायिक महासंघ अध्यक्ष बाबा मोंडकर, तारकर्ली पर्यटन विकास संस्था अध्यक्ष सहदेव साळगावकर, अन्वेषा आचरेकर, महिमा मयेकर, दिक्षा गांवकर, रविंद्र खानविलकर, शेखर गाड, रामा चोपडेकर आदी उपस्थित होती.
पर्यटन महासंघाच्या वतीने नारळी पौर्णिमा उत्सवाच्या निमित्ताने मालवण शहरात आयोजित होणाऱ्या रिक्षा रॅली बाबत मालवण पोलीस निरीक्षक मारुती जगताप यांनी मालवण येथील पर्यटन रिक्षा रॅली संदर्भात बैठक बोलावली. सदर रॅलीमुळे मालवण मध्ये नारळी पौर्णिमा उत्सवा दिवशी ट्राफिक समस्या उद्भवत असल्याने प्रतिकात्मक एक दोन रिक्षा घेऊन रॅली करावी व प्रशासनास सहकार्य करावे. अशी विनंती पोलीस निरीक्षक यांनी केली. त्यावर अन्य ठिकाणी निघणारी रिक्षा रॅली व आपल्याकडे रिक्षा पर्यटन पूरक सजावट करून रॅली त समावेश होतात त्यामुळे सहभागी रिक्षा पैकी एक दोन रिक्षा सहभाग करणे संयुक्तिक नसल्याने मालवण नारळी पौर्णिमेनिमित्त मालवण बंदर जेटी इथे नागरिकांना उद्धवणाऱ्या ट्राफिक त्रासाचा विचार करून मालवण बंदर जेटी येणाऱ्या नागरिकांचा विचार करून रिक्षा रॅली रद्द करीत आहोत. परंतु रिक्षा व्यावसायिकाच्या सोबत आम्ही आहोत. त्याना पर्यटन पूरक सकारात्मक व्यवसाय वाढ होण्यासाठी आम्ही कटिबद्ध आहोत. अशी माहिती बाबा मोंडकर भाजपा मालवण मंडळ अध्यक्ष तथा अध्यक्ष पर्यटन व्यावसायिक महासंघ तसेच सहदेव साळगावकर अध्यक्ष तारकर्ली पर्यटन विकास संस्था यांनी दिली.
