शिवसेना मालवण तालुकाप्रमुख विनायक बाईत यांनी व्यक्त केला विश्वास ; श्रावण गवळीवाडी येथे ग्रामस्थ्यांसोबत बैठक
मालवण | प्रतिनिधी : आमदार निलेश राणे, शिवसेना जिल्हाप्रमुख दत्ता सामंत यांना अभिप्रेत असलेली शिवसेना संघटना गावागावात निर्माण करणार. असा विश्वास शिवसेना मालवण तालुकाप्रमुख विनायक बाईत यांनी श्रावण गवळीवाडी येथे व्यक्त केला.
दरम्यान, श्रावण येथील शिवसेना पक्षाची कार्यकरणी दोन दिवसात जाहीर केली जाईल. असे तालुका प्रमुख प्रमुख विनायक बाईत यांनी यावेळी सांगितले.श्रावण गवळीवाडी मध्ये शिवसेना तालुका प्रमुख विनायक बाईत यांनी भेट दिली. ग्रामस्थ्यांसोबत बैठक घेत विकास कामांचा आढावा घेतला. यावेळी युवा कार्यकर्ते मोठ्या प्रमाणात उपस्थित होते.
प्रामुख्याने या भागात मोबाईल नेटवर्क सेवा तसेच इंटरनेट सेवा नसल्यामुळे संपर्क करणे यात अडचणी येतात. नेटवर्क, इंटरनेट अभावी शालेय विद्यार्थ्यांनाही समस्या निर्मण होतात. 3 कि.मी अंतरावर पायपिट करत रेंज शोधावी लागते. या समस्या सोडवा. अशी एक मुखी मागणी युवा कार्यकर्ते तसेच ग्रामस्थांनी केली. विनायक बाईत म्हणाले इंटरनेट त्वरित उपलब्धतेसाठी स्वखर्चाने काही उपाययोजना शक्य असल्यास त्यासाठी तत्पर असल्याचे त्यांनी सांगितले. श्रावण गवळीवाडी एकमुखाने शिवसेना पक्षाच्या पाठीशी ठामपणे असल्याचे सांगितले यावेळी उपस्थितानी सांगितले.
यावेळी शिवसेना तालुका प्रवक्ते निलेश बाईत, मंगेश यादव, प्रशांत परब, स्वप्निल दळवी, उमेश घाडीगांवकर, बाळा वेंगुर्लेकर, तंटामुक्ती अध्यक्ष विजय गवळी, गणपत पाटकर, भारमलं सडेकर, सावंत, नारायण बगाड, गवळीवाडीचे गावकर बबन सावंत, माजी उपसरपंच प्रमोद गवळी व इतर शिवसैनिक उपस्थित होते.
▪ अमित खोत, मालवण
