गंभीर दुखापत झालेल्या किर्लोस येथील गणपत रामा घाडीगांवकर यांना मायेचा आधार देत दिला मदतीचा हात
शानू वालावलकर | मालवण : किर्लोस येथील गणपत रामा घाडीगांवकर यांच्या उजव्या पायामध्ये झाडाची फांदी अडकून गंभीर दुखापत झाली. गरीब सर्वसामान्य कुटुंबातील गणपत रामा घाडीगांवकर यांच्या बाबत माहिती किर्लोस गावचे सामाजिक कार्यकर्ते तसेच मानकरी बाळा लाड, युवासेना तालुकाप्रमुख अभि लाड यांनी परस्थितीचे गांभिर्य लक्षात घेऊन शिवसेना तालुकाप्रमुख विनायक बाईत यांना याबाबत माहिती दिली.
तालुका प्रमुख विनायक बाईत यांनी सामाजिक भान राखत तातडीने गणपत रामा घाडीगांवकर यांच्या घरी जाऊन विचारपूस केली. आपण सोबत असल्याचा विश्वास देत आर्थिक मदत दिली. त्यावेळी शिवसेना प्रवक्ते निलेश बाईत मठबुद्रुक सरपंच बाळा वेंगुर्लेकर, प्रशांत परब, मंगेश यादव, बाळा लाड उपस्थित होते.
आमदार निलेश राणे, शिवसेना जिल्हाप्रमुख दत्ता सामंत यांच्या मार्गदर्शनात काम करतं असताना त्यांच्या शिकवणी नुसार सामाजिक बांधिलकी जोपासत जनतेची सेवा हेच आपले कर्तव्य असल्याचे तालुका प्रमुख विनायक बाईत यांनी सांगितले.
