घुमडे ग्रामस्थ मंडळाच्यावतीने श्रावणधारा महोत्सवा अंतर्गत आयोजन
उद्योजक तथा शिवसेना जिल्हाप्रमुख दत्ता सामंत पुरस्कृत श्रावणधारा महोत्सवचे ११ वे वर्ष
मालवण | प्रतिनिधी : श्री देवी घुमडाई मंदिरात श्रावणधारा महोत्सवा अंतर्गत भजनमहर्षी कै. पंढरीनाथ घाडीगांवकर स्मृतीप्रित्यर्थ नामांकित भजनी बुवांचा भजन महोत्सव शिवसेना जिल्हाप्रमुख दत्ता सामंत पुरस्कृत व घुमडे ग्रामस्थ मंडळाच्या वतीने आयोजित करण्यात आला आहे. महोत्सवाचे हे ११ वे वर्ष असून हा महोत्सव १९ ऑगस्ट पर्यंत चालणार आहे. या महोत्सवाचे उदघाटन दत्ता सामंत यांच्या प्रमुख उपस्थितीत भजन महर्षी भालचंद्र केळूसकर बुवा यांच्या हस्ते दीपप्रज्वलन करून करण्यात आले.
दत्ता सामंत यांच्या सामाजिक, तसेच सांस्कृतीक व कला क्षेत्रातील दातृत्वाचे सर्वच उपस्थितानी विशेष कौतुक केले.
यावेळी भाऊ सामंत, शिवसेना शहर प्रमुख दिपक पाटकर, बाबू बिरमोळे, योगेश पांचाळ, वैकुंठवासी चिंतामणी पांचाळ बुआ घोटगे स्मारक बांधकाम कमिटी अध्यक्ष निलेश ठाकुर, सुधीर वस्त, दिलीप बिरमोळे, राजा सामंत, गोपी लाड, मंदार लुडबे, योगेश सामंत, बाळा माने, शानू वालावलकर, धोंडी नाईक, आबा बिरमोळे, भाई बिरमोळे, प्रशांत बिरमोळे, गजा खोत, भाऊ मोरजे यांसह घुमडे ग्रामस्थ व भजन प्रेमी उपस्थित होते. यावेळी बुआ वैभव सावंत, बुआ दुर्वास गुरव यांचे भजन सादर झाले.
▪️ अमित खोत, मालवण
