दीपक पाटकर यांच्याकडे मालवण शहरप्रमुखपद
महेश कांदळगांवकर यांच्याकडे सिंधुदुर्ग जिल्हा समन्वयक पदाची जबाबदारी
बढतीसह महेश राणे शिवसेनेनेचे उपजिल्हाप्रमुख
बाळू नाटेकर मालवण उपतालुकाप्रमुख : मालवणातील शिवसेना प्रमुख पदाधिकारी नियुक्त्या जाहीर
मालवण : वंदनीय हिंदूहृदयसम्राट शिवसेनाप्रमुख बाळासाहेब ठाकरे यांच्या आशीर्वादाने व शिवसेना मुख्य नेते एकनाथ शिंदे (उप-मुख्यमंत्री, महाराष्ट राज्य) यांच्या आदेशानुसार शिवसेना पक्षाच्या मालवण तालुक्यातील प्रमुख पदाधिकाऱ्यांची नियुक्ती शिवसेना जिल्हाप्रमुख दत्ता सामंत यांनी आमदार निलेश राणे व उपनेते संजय आंग्रे यांच्या स्वाक्षरी पत्राने जाहिर केली आहे. दरम्यान, आमदार निलेश राणे यांनी नवनियुक्त पदाधिकाऱ्यांचे अभिनंदन केले आहे.
शिवसेना जिल्हा समन्वयकपदी महेश कांदळगावकर, उपजिल्हाप्रमुखपदी महेश राणे, मालवण तालुकाप्रमुखपदी राजा गावडे, मालवण तालुकाप्रमुखपदी विनायक बाईत, मालवण शहरप्रमुख पदी दिपक पाटकर, उप तालुकाप्रमुखपदी बाळू नाटेकर (मालवण) या पदाधिकारी यांच्या नियुक्त्या जाहिर करण्यात आल्या आहेत.
