खासदार नारायण राणे यांच्या वाढदिवसाचे औचित्य
कणकवली : माजी मुख्यमंत्री तथा खासदार नारायण राणे यांच्या वाढदिवसानिमित्त ८ ते ९ एप्रिल या कालावधीत प. पू. भालचंद्र महाराज संस्थाननजीक नगरपंचायतीच्या क्रीडा संकुलातील बॅडमिंटन स्पर्धेचे आयोजन करण्यात आले आहे. यात ओपन सिंगल गटासाठी प्रथम पाच हजार रु. व द्वितीय तीन हजार रु. अशी बक्षिसे आहेत. ओपन डबल गटासाठी प्रथम दहा हजार रु. व द्वितीय सात हजार रु. अशी बक्षिसे आहेत.
४० वर्षांवरील डबल गटासाठी प्रथम दहा हजार रु. व द्वितीय सात हजार रु. अशी बक्षिसे आहेत., महिला सिंगल गटासाठी प्रथम पाच हजार रु. व द्वितीय तीन हजार रु. अशी बक्षिसे आहेत. १७ वर्षांखालील सिंगल गटासाठी प्रथम पाच हजार रु. व द्वितीय तीन हजार रु. अशी बक्षिसे आहेत. सहभागी स्पर्धकांना प्रशस्तीपत्र आणि टी-शर्ट देण्यात येणार आहे. या स्पर्धेत जास्तीत जास्त स्पर्धकांनी सहभागी व्हावे, असे आवाहन माजी जि. प. अध्यक्ष संदेश उर्फ गोट्या सावंत, माजी नगराध्यक्ष समीर नलावडे, भाजपचे तालुकाध्यक्ष मिलिंद मेस्त्री, दिलीप तळेकर, कलमठ सरपंच संदीप मेस्त्री, भाजपचे शहराध्यक्ष अण्णा कोदे यांनी केले आहे. स्पर्धेच्या अधिक माहितीसाठी सोम गांगण, मनीष कर्पे यांच्याकडे संपर्क साधावा.
