बाँबे ब्लड ग्रुप ऑरगनायझर तासगाव सांगली या संस्थेच्या वतीने गौरव
सिंधुदुर्ग : बाँबे ब्लड ग्रुप ऑरगनायझर तासगाव सांगली या संस्थेने सिंधु रक्तमित्र प्रतिष्ठान सिंधुदुर्ग शाखा मालवणच्या अध्यक्ष सौ. शिल्पा यतीन खोत यांच्या सामाजिक कार्याचा विशेष सन्मान केला आहे.
ही संस्था जागतीक अत्यंत दुर्मिळात दुर्मीळ रक्तगट बाँब्ल ब्लडग्रुप या रक्तगटाविषयी विशेष कार्य करते, देशातील व जगातील या रक्तगटाचे सदस्यांची ही संघटना आहे. आजवर या संस्थेने अनेक रुग्णाचे प्राण या रक्तगटाचा पुरवठा करुन केले आहे. सिंधुदुर्ग जिल्ह्यातही या संस्थेचे संस्थापक व बाँब्बे ब्लडग्रुपचे (Oh किंवा Hh) दाता विक्रमजी यादव यांनी रक्तदान केले आहे.
विक्रमजी यादव यांनी नेहमीच सिंधु रक्तमित्र प्रतिष्ठानच्या कार्याची दखल घेतली आहे, तसेच यापूर्वी संस्थेचा सन्मानपत्र देऊन केला आहे. यावेळी सिंधु रक्तमित्र प्रतष्ठान- शाखा मालवण तालुका अध्यक्ष श्रीमती शिल्पा खोत यांच्या कार्याची दखल घेत आपल्या संस्थेमार्फत गौरव करण्यात आला आहे.
सौ.शिल्पा खोत यांनी रक्तदान देहदान अवयवदान व रुग्णमित्र म्हणून संस्थेच्या उद्देशांशी निगडीत दिलेले योगदान लक्षात घेऊन, या पुरस्काराकरिता त्यांची निवड करण्यात आली. एका महिला कार्यकर्तीने रक्तदान क्षेत्रात मिळवलेले हे यश नक्कीच अभिमानास्पद आहे.
सिंधु रक्तमित्र प्रतिष्ठानचे संस्थापक अध्यक्ष प्रकाश तेंडोलकर यांनी श्रीम.शिल्पा खोत यांचे अभिनंदन केले. तसेच संस्थेच्या अन्य पदाधिकारी यांनीही त्यांचे अभिनंदन केले आहे
