मालवण | प्रतिनिधी - डॉ. बाबासाहेब आंबेडकर जयंती निमित्त समाज कल्याण विभाग सिंधुदुर्ग, बार्टी, बॅ. नाथ पै सेवांगण मालवण यांच्या वतीने ५ एप्रिल रोजी सकाळी १० वाजता बॅरिस्टर नाथ पै सेवांगण मालवण येथे जिल्हास्तरीय वक्तृत्व स्पर्धचे आयोजन करण्यात आले आहे. स्पर्धा गट पहिला (सातवी ते बारावी), गट दुसरा - खुला गट अशा दोन गटात स्पर्धा होणार आहे. गट पहिला विषय - भारतीय संविधानातील मूलभूत हक्क व अधिकार तर गट दुसरा - भारतीय संविधानाची ७५ वर्ष असे विषय देण्यात आले आहेत.
पहिल्या गटासाठी वेळ -सात मिनिटे तर दुसऱ्या गटासाठी वेळ आठ मिनिटे असणार आहे. पहिले गटातील विजेत्यांना अनुक्रमे १००० रुपये, ७०० रूपये, ५०० रुपये, तसेच प्रशस्तीपत्रक, तर खुल्या गटातील विजेत्यांना १५०० रुपये, १००० रुपये, ७०० रुपये तसेच प्रशस्तीपत्रक व उत्तेजनार्थ क्रमांक प्रशस्तीपत्रक व भेटवस्तू देण्यात येणार आहे. अधिक माहितीसाठीसंपर्क लक्ष्मीकांत खोबरेकर -9422946212संग्राम कासले9420824874 यांच्याशी संपर्क साधावा असे आवाहन करण्यात आले आहे.
