कुडाळ : माड्याचीवाडी ग्रा.पं.च्यावतीने क्षयमुक्त अभियान सप्ताहानिमित्त २७ मार्च रोजी सकाळी १० ते दुपारी २ पर्यंत तेथीलच प्राथमिक शाळेत मोफत आरोग्य तपासणी शिबीर आयोजित करण्यात आले आहे. शिबिरात रुग्णांची सर्वसाधारण तपासणी, रक्तदाब, मधुमेह, रक्तगट, नेत्र, थायरॉईड तपासणी करण्यात येणार आहे. तसेच गरजूंना मोफत चष्मा वाटप करण्यात येणार आहे. शिबिराचा लाभ घ्यावा, असे आवाहन करण्यात आले आहे.
