काही गाळ्यांचा कोर्ट मॅटर सुरु असल्याने थांबले होती कार्यवाही : भाजपा मालवण शहरअध्यक्ष बाबा मोंडकर यांची माहिती
मालवण : मालवण बसस्थानक जुनी धोकादायक इमारत येथील काही गाळ्यांचा कोर्ट मॅटर सुरु असल्याने ते गाळे वगळून अन्य धोकादायक इमारतीचे बांधकाम पाडण्याची कार्यवाही प्रशासनाच्या माध्यमातून तात्काळ सुरु केली जाईल. अशी माहिती भाजपा मालवण शहरअध्यक्ष बाबा मोंडकर यांनी दिली.
दरम्यान, नव्या पुर्ण होत असलेल्या बसस्थानक इमारतीचे लोकार्पणही पुढील महिन्यात पालकमंत्री नितेश राणे, आमदार निलेश राणे यांच्या हस्ते होईल. असेही मोंडकर यांनी सांगितले.
मालवण येथे नवीन बस स्थानक उभारणीचे काम अंतिम टप्यात आहे. मात्र जुन्या बस्थानकामधे भाडे तत्वावर असलेल्या कँटिंग व अन्य भाडेकरू यांचा कोर्ट मॅटर असल्याने सदर जुन्या बस स्थानाकाचे बांधकाम पाडण्यासाठी अडचणी येत होत्या. यावर पर्याय म्हणून सदर न्यायप्रविष्ठ आस्थापना तशाच ठेऊन अन्य इमारत बांधकाम पाडण्यासंदर्भात परवानगी मिळावी. यासाठी विभागीय इंजिनिअर यांच्याशी सकारात्मक चर्चा करण्यात आली. तात्काळ जुने धोकादायक बसस्थानक पाडण्या संदर्भात पत्र देऊन प्रत्यक्ष काम चालू होईल अशी माहिती बाबा मोंडकर यांनी दिली.
दरम्यान, जुने बांधकाम पाडताना बस सेवा सुरळीत राहून प्रवाशांना कुठल्याही त्रासाला सामोरे जावे लागू नये यासाठी डेपो व्यवस्थापक यांनी नियोजन करणेबाबत चर्चा झाली. पुढील महिन्यात पालकमंत्री नितेश राणे, आमदार निलेश राणे यांच्या हस्ते नवीन बसस्थानकाचे ही लोकार्पण ही होईल असे. मोंडकर यांनी सांगितले.
