संशयित आरोपीतर्फे ॲड. स्वरुप नारायण पई व अंबरीष गावडे यांनी काम पाहिले
मालवण | प्रतिनिधी : मालवण येथे महिलेचा विनयभंग व धमकावल्या बाबत दाखल खटल्यातील कणकवली येथील संशयित आरोपीची मे. प्रथमवर्ग न्यायदंडाधिकारी मालवण यांनी निर्दोष मुक्तता केली. संशयित आरोपीतर्फे ॲड. स्वरुप नारायण पई व अंबरीष गावडे यांनी काम पाहिले.
दिनांक 16 जानेवारी 2022 रोजी मालवण येथील एका मैदानावर क्रिकेट मॅच सुरू असताना प्रवेशद्वारासमोरील मार्गावर गर्दी होती. तेथून एक महिला जात असताना समोर असलेल्याला व्यक्तीला महिलेने बाजूला होण्यास सांगितले असता त्याचा राग येऊन संशयित आरोपीने महिलेला शिवीगाळ करून विनयभंग केला व धमकी दिली. अशी फिर्यादी महिलेने मालवण पोलिस ठाण्यात दिली. त्यानुसार भारतीय दंड संहिता कलम 354 ब, 504, 506 अन्वये गुन्हा दाखल करण्यात आला. त्यामध्ये संशयिताला तपासकामी पोलीसांनी अटकही केली होती. मालवण पोलिसांनी तपासकाम पूर्ण करुन संशयित आरोपीविरुद्ध मे. प्रथमवर्ग न्यायदंडाधिकारी मालवण यांचे न्यायालयात दोषारोपपत्र दाखल केले होते.
याकामी सरकारपक्षातर्फे एकूण 5 साक्षीदार तपासण्यात आले. सुनावणीअंती तपासकामातील त्रुटी, फिर्यादी व साक्षीदारांच्या जबाबातील विसंगती व आरोपीतर्फे केलेला युक्तीवाद ग्राह्य धरून मे. न्यायालयाने आरोपीची खटल्यातून निर्दोष मुक्तता केली.
