सावंतवाडी : मळगाव येथील शारदा विद्यालय मळगाव रस्ता या जिल्हा परिषद शाळेने डॉ. ए. पी. जे. अब्दुल कलाम टॅलेंट सर्च परीक्षा, ब्रेन डेव्हलपमेंट परीक्षा व भारत टॅलेंट सर्च परीक्षेत उज्ज्वल यश संपादन केले आहे.
डॉ. ए. पी. जे. अब्दुल कलाम टॅलेंट सर्च परीक्षेत ११ विद्यार्थी, ब्रेन डेव्हलपमेंट परीक्षेत १ विद्यार्थी, भारत टॅलेंट सर्च परीक्षेत ७ विद्यार्थी उत्तीर्ण झाले आहेत. शाळा व्यवस्थापन समितीच्यावतीने यश प्राप्त केलेल्या सर्व यशस्वी विद्यार्थ्यांच्या व त्यांना मार्गदर्शन केलेल्या शिक्षकांच्या सत्काराचे काल सोमवारी प्रशालेत आयोजन करण्यात आले होते. समितीच्यावतीने पेन व पुष्गुच्छ देऊन या सर्व विद्यार्थ्यांचा सत्कार करण्यात आला. यावेळी शाळा व्यवस्थापन समिती अध्यक्ष सिद्धेश तेंडोलकर, माजी अध्यक्ष विवेक नार्वेकर, शिक्षिका अस्मिता गोवेकर, वर्षा गवस, सीमा सावंत, सरीता पाटील, शाळा व्यवस्थापन समिती सदस्य दत्ताराम मळगावकर, शिक्षणप्रेमी विजय ठाकूर, स्वरा वारंग, पालक प्रवीण डोंगरे आदी उपस्थित होते. यावेळी उपस्थित मान्यवरांनी मुलांना मोलाचे मार्गदर्शन केले. तसेच मुलांना मार्गदर्शन केलेल्या सर्व शिक्षकांचे शाळा व्यवस्थापन समितीच्यावतीने आभार व्यक्त करत यशस्वी विद्यार्थ्यांना शुभेच्छा देण्यात आल्या. शाळेच्या मुख्याध्यापिका अनुराधा सुर्वे यांनीही यशस्वी विद्यार्थ्यांचे अभिनंदन करून त्यांना शुभेच्छा दिल्या.
मळगाव येथील शारदा विद्यालयाचे अब्दुल कलाम टॅलेंट सर्च, भारत टॅलेंट सर्च, ब्रेन डेव्हलपमेंट परीक्षेत यश
