नागरिकांनी व्यक्त केले आभार
मालवण : मालवण शहरातील डॉ. ठाकूर दवाखाना नजिकच्या परिसरात एक गाय मृत झाल्याचे नागरिकांच्या निदर्शनास आले. यावेळी स्थानिक नागरिकांनी मालवण नगरपरिषदमध्ये याबाबतची माहिती दिली. मात्र अपेक्षित सहकार्य मिळाले नाही. खड्डा खणून पुढील कार्यवाही साठी जेसीबी मशीन आवश्यक होती. मात्र नगरपरिषद जवळ खरेदी करण्यात आलेल्या जेसिबी वर ड्रायव्हर नसल्याने तो उपलब्ध होऊ शकला नाही. दरम्यान माजी नगरसेवक महेंद्र म्हाडगुत यांना याबाबतची कल्पना नागरिकांनी दिली. म्हाडगुत यांनी तात्काळ स्वखर्चाने जेसीबी बोलवत योग्य पद्धतीने पुढील कार्यवाही केली. म्हाडगुत यांनी तात्काळ दखल घेतल्याने नागरिकांनी आभार व्यक्त केले
