आमदार निलेश राणे यांच्या वाढदिवसाचे औचित्य : कामगार नेते अशोक सावंत यांच्या पुढाकाराने मे. जीए डिजिटल कंपनी मार्फत सेफ्टी साहित्य उपलब्ध
मालवण | प्रतिनिधी : कुडाळ, मालवण विधानसभा मतदारसंघाचे लोकप्रिय आमदार निलेशजी नारायणराव राणे साहेब यांच्या वाढदिवसाचे अवचित्य साधून विद्युत वितरण विभागीय कार्यालय कुडाळ येथील सर्व तांत्रिक कर्मचाऱ्यांना कामगार नेते अशोक सावंत यांच्या पुढाकाराने मे. जीए डिजिटल कंपनी यांच्या मार्फत सर्व कर्मचाऱ्यांना सेफ्टी साहित्य हॅन्ड ग्लोज, पक्कड, टेस्टर आणि इतर साहित्य वितरित करण्यात आले. एवढ्या प्रदीर्घ कालावधी मध्ये पहिल्यांदाच हे अत्यावश्यक सेफ्टी साहित्य मिळाल्याने कर्मचाऱ्यांनी समाधान व्यक्त केले. सुमारे 550 कर्मचाऱ्यांना हे साहित्य वितरित होत आहे. यावेळी आमदार निलेश राणे यांना उदंड आयुष्यासह वाढदिवसाच्या शुभेच्छा देण्यात आल्या.
