महिला बचत गटांच्या सदस्या तसेच महिला अधिकारी, कर्मचारी यांची विशेष उपस्थिती
अमित खोत | मालवण : मालवण नगरपरिषदेच्या वतीने जागतिक महिला दिन मालवणातील महिला बचत गटांच्या सदस्या, विविध शासकीय कार्यालयातील महिला अधिकारी आणि कर्मचारी यांच्या विशेष उपस्थितीत मालवण नगरपरिषद येथे उत्साहात साजरा करण्यात आला.
मुख्याधिकारी तथा प्रशासक संतोष जिरगे यांच्या संकल्पनेतून आयोजित यां कार्यक्रमात सांगली येथील कवी नितीन चंदनशिवे, कृषी अधिकारी जयश्री दुधभाते, सार्वजनिक बांधकाम विभाग कनिष्ठ अभियंता सेन्हा लोखंडे, सुरेखा खैरनार यांची प्रमुख उपस्थिती होती.
कार्यक्रमाचा शुभारंभ समाजसुधारक सावित्रीबाई फुले यांच्या प्रतिमेला पुष्पहार अर्पण करुन वंदन करण्यात आला. यावेळी कवी नितीन चंदनशिवे यांनी मौलिक मार्गदर्शन केले. तसेच स्वरचित कवितांच्या सादरीकरणातून उपस्थितांना महिला दिनाच्या उद्देशांची महती समजावली व शुभेच्छा दिल्या.
यावेळी मुख्याधिकारी संतोष जिरगे म्हणाले, महिलांचे सक्षमीकरण हे महत्वपूर्ण असल्याचे सांगत मार्गदर्शन केले. तसेच महिलांना शुभेच्छा दिल्या.
कृषी अधिकारी जयश्री दुधभाते, सार्वजनिक बांधकाम विभाग अभियंता सेन्हा लोखंडे यांनीही विचार मांडले.
या कार्यक्रमात मालवण नगरपरिषदेच्या वतीने मान्यवरांना 'मालवण व्हिजन' या स्मरणिकेची प्रत भेट देण्यात आली. नगरपरीषदेच्या वतीने उपस्थित महिलांना भेटवस्तू व गुलाबपुष्प देऊन सदिच्छा सन्मान करण्यात आला.
कार्यक्रमाचे सूत्रसंचालन प्रशासकीय अधिकारी संध्या गवळी यांनी केले तर श्री. खेमराज सावंत यांनी आभार प्रदर्शन केले. नगरपरिषद अधिकारी सोनाली हळदणकर, महेश परब यांसह अधिकारी कर्मचारी उपस्थित होते.
