मुख्यमंत्री एकनाथ शिंदे, निलेश राणे यांच्या प्रमुख उपस्थित केला पक्षप्रवेश
मालवण : शिवसेना मुख्य नेते तथा मुख्यमंत्री एकनाथ शिंदे, निलेश राणे यांच्या प्रमुख उपस्थितीत दत्ता सामंत यांनी शनिवारी रात्री शिवसेना पक्षात प्रवेश केला. यावेळी खासदार डॉ. श्रीकांत शिंदे, शिवसेना रत्नागिरी सिंधुदुर्ग निरीक्षक आमदार रवींद्र फाटक, मालवण कुडाळ पक्ष निरीक्षक दीपक वेतकर, बाळा चिंदरकर आदी प्रमुख शिवसेना पदाधिकारी उपस्थित होते.
दत्ता सामंत हे प्रभावशाली नेतृत्व म्हणून नेहमीच चर्चेत राहिले आहे. गेले काही दिवस उद्योग व्यवसायात व्यस्त असल्याने दत्ता सामंत राजकीय व्यासपिठापासून दूर होते. यातच विरोधकांनी काही वावड्या ही उठवल्या होत्या. या पार्श्वभूमीवर दत्ता सामंत यांनी शनिवारी सकाळी कणकवली येथे राणे कुटुंबियांची भेट घेतली. आपण नेहमीच राणे कुटुंबासोबत असल्याचे स्पष्ट केले.
यावेळी माजी केंद्रीय मंत्री तथा खासदार नारायण राणे, सौ. निलमताई राणे, माजी खासदार निलेश राणे, आमदार नितेश राणे, डॉ. मिलिंद कुलकर्णी यांसह जिप माजी वित्त व बांधकाम सभापती संतोष साठविलकर, मंदार लुडबे आदी उपस्थित होते. ही सदिच्छा भेट कौटुंबिक असली तर विरोधकांनी उठवलेल्या अफ़वाना सडेतोड उत्तर ठरली.
माजी खासदार निलेश राणे यांनी दोन दिवसांपूर्वी महायुतीच्या भव्य मेळाव्यात मुख्यमंत्री एकनाथ शिंदे यांच्या प्रमुख उपस्थित शिवसेनेत प्रवेश केला. हा सोहळा भव्यदिव्य असा ठरला. निलेश राणे मोठया मताधिक्याने विजयी होतील. त्या विजयाची नांदी ठरावी अशी ही सभा लक्षवेधी ठरली. मुख्यमंत्री यांनी ही कौतुक केले होते.
आता दत्ता सामंत यांनी शिवसेना (शिंदे गट) पक्षात प्रवेश केला आहे. त्यांच्या सोबत अनेक पदाधिकारी कार्यकर्ते यांनी शिवसेनेत प्रवेश केला आहे.
