उद्योग व्यवसायात व्यस्त असल्याने राजकीय व्यासपीठापासून दूर होते
दत्ता सामंत यांच्या या भेटी नंतर विरोधकांच्या वावड्याना मिळाला पूर्णविराम
मालवण : माजी केंद्रीय मंत्री तथा खासदार नारायण राणे यांचे अत्यंत विश्वासू अशी ओळख असलेले सिंधुदुर्ग जिल्ह्याचा राजकीय पटलावरील प्रमुख नेत्यांपैकी दत्ता सामंत हे प्रभावशाली नेतृत्व नेहमीच चर्चेत राहिले आहे. गेले काही दिवस उद्योग व्यवसायात व्यस्त असल्याने दत्ता सामंत राजकीय व्यासपिठापासून दूर होते. यातच विरोधकांनी काही वावड्या ही उठवल्या होत्या. या पार्श्वभूमीवर दत्ता सामंत यांनी शनिवारी कणकवली येथे राणे कुटुंबियांची भेट घेतली.
यावेळी माजी केंद्रीय मंत्री तथा खासदार नारायण राणे, सौ. निलमताई राणे, माजी खासदार निलेश राणे, आमदार नितेश राणे, डॉ. मिलिंद कुलकर्णी यांसह जिप माजी वित्त व बांधकाम सभापती संतोष साठविलकर, मंदार लुडबे आदी उपस्थित होते.
ही सदिच्छा भेट कौटुंबिक असली तर विरोधकांनी उठवलेल्या अफ़वाना सडेतोड उत्तर ठरणारी आहे. एकूणच आगामी विधानसभा निवडणुकीत प्रचारा दरम्यान दत्ता सामंत यांचा सक्रिय सहभाग दिसून येईल.
माजी खासदार निलेश राणे यांनी दोन दिवसांपूर्वी महायुतीच्या भव्य मेळाव्यात मुख्यमंत्री एकनाथ शिंदे यांच्या प्रमुख उपस्थित शिवसेनेत प्रवेश केला. आता दत्ता सामंत हेही शिवसेना (शिंदे गट) पक्षात प्रवेश करणार अश्या चर्चा सुरु असून दत्ता सामंत यांना जिल्ह्यातील प्रमुख पद दिले जाणार आहे अशीही चर्चा आहे. याबाबतही काही तासात निर्णय होणार आहे. मात्र या सर्व घटना पाहता विरोधकांना धक्का ठरणाऱ्या आहेत. अशीही चर्चा सुरु आहे.
