माजी खासदार विनायक राऊत यांचे हवाई वाहतूक मंत्र्यांना पत्र
२६ ऑक्टबर पासून अलायन्सची सेवा होणार बंद
निलेश जोशी | कुडाळ : माजी खासदार विनायक राऊत यांनी चिपी विमानतळावरून अलायनासची विमानसेवा बंद होऊ नये याबाबत केंद्रीय हवाई वाहतूक मंत्री राममोहन नायडू किंजरापू याना पत्र पाठविले आहे. दि. २६ ऑक्टोबर २०२४ पासून चिपी विमानतळावरून अलायन्स कंपनीची विमान सेवा बंद करण्यात येणार असल्याचे कंपनीने जाहीर केले होते. त्या पार्श्वभूमीवर श्री. राऊत यांनी हे पत्र पाठवून सेवा बंद करू नये अशी विनंती केली आहे.
चिपी विमानतळावरून मुंबईसाठी अलायन्स कंपनीची विमानसेवा गेली तीन वर्ष सुरु होती. त्यामुळे येथील प्रवाशांची जलद प्रवासाची सोय होत होती. पण २६ ऑक्टोबर पासून अलायन्स कंपनी कडून हि सेवा बंद करण्यात येणार आहे. त्याबाबत माजी खासदार विनायक राऊत यांनी केंद्रीय हवाई वाहतूक मंत्री राममोहन नायडू किंजरापू याना पत्र पाठविले आहे. त्या पत्रात श्री. राऊत म्हणतात, महाराष्ट्रातील सिंधुदुर्ग जिल्हा हे एक प्रसिद्ध पर्यटन स्थळ आहे ज्याला देश-विदेशातील पर्यटक मोठ्या संख्येने भेट देतात. RCS (UDAN) योजना हा माननीय पंतप्रधानांचा ड्रीम प्रोजेक्ट आहे ज्यामुळे सर्वसामान्य लोकांना परवडणाऱ्या दरात प्रवास करता येत आहे. महाराष्ट्रातील सिंधुदुर्ग आणि रत्नागिरी विमानतळांचा RCS अंतर्गत समावेश करण्यास तत्कालीन नागरी विमान वाहतूक मंत्री सुरेश प्रभु यांच्या प्रयत्नातून तसेच माझ्या खासदारच्या काळात झालेल्या तत्कालीन मुख्यमंत्री उद्धव ठाकरे आणि तत्कालीन नागरी विमान वाहतूक मंत्री ज्योतिरादित्य सिंधिया यांच्या उत्तुंग सहकार्याने ९ऑक्टोबर २०२१ पासून चिपी विमानतळ, सिंधुदुर्ग आणि मुंबई दरम्यान अलायन्स एअरची उड्डाणे सुरू झाली. याचा पर्यटकांना तसेच स्थानिक आणि व्यावसायिक दोघांनाही मोठा फायदा झाला आहे.
तथापि, अलायन्स एअरने अलीकडेच जाहीर केले आहे की ते २६ ऑक्टोबर २०२४ पासून त्यांची उड्डाणे बंद करणार आहेत. हे खूप दुर्दैवी आहे. कारण गेल्या तीन वर्षात पर्यटनाला चालना देणाऱ्या आणि सिंधुदुर्ग जिल्ह्याच्या आर्थिक विकासाला हातभार लावणाऱ्या या हवाई सेवेला देश-विदेशातील नियमित स्थानिक प्रवासी आणि पर्यटकांनी भरभरून प्रतिसाद दिला आहे. त्यामुळे चिपी विमानतळ, सिंधुदुर्ग आणि मुंबई दरम्यानची उड्डाणे बंद करण्याचा अलायन्स एअरचा निर्णय अत्यंत दुर्दैवी आहे. सिंधुदुर्ग आणि रत्नागिरी या दोन्ही कोकण जिल्ह्यांतील पर्यटन व्यवसायावर याचा विपरीत परिणाम आणि दूरगामी परिणाम होणार आहेत.
म्हणून मी तुम्हाला विनंती करतो की कृपया या प्रकरणाकडे वैयक्तिकरित्या लक्ष द्या आणि सार्वजनिक हितासाठी अलायन्स एअरला चिप्पी विमानतळ, सिंधुदुर्ग आणि मुंबई दरम्यान नियमितपणे उड्डाणे सुरू ठेवण्याचे आदेश द्यावेत अशी विनंती माजी खासदार विनायक राऊत यांनी केली आहे. .
